كشف جهاد جريشة ، سبب تصريحاته عن ضرورة تغيير لجنة الحكام بالكامل ، مؤكدا وجود صراعات داخلية أبرزها خلاف بين إبراهيم نور الدين ومحمد فاروق .
وقال جهاد جريشة في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : هو حد سمع أنا قلت إيه ؟ محدش سمع هما قروا بس.
وأكد : انا قلت اجيب لجنة الحكام كلها على المحارة، يعني أعمل تغيير شامل دا رأي شخصي ياجماعة ، ومن قبل الأجانب ، احنا محتاجين نغير المنظومة بالكامل ، الكلام الحلو مش هيحل مشاكل التحكيم في مصر لازم تواجه نفسك بالحقيقة ، بتكلم بمنتهي الوضوح.
وأكد : أنا مش بتكلم على أشخاص ، بتكلم على المنظومة ، عندنا مشاكل بقالنا سنين ونفس الأشخاص اللى بتدير هي نفس الناس بتلف وتدور على المنصب.
وزاد : فيه مباراتين اتغيرت نتائجهم بسبب أخطاء تحكيمية ، علشان نصلح لازم نواجه ونتكلم بوضوح ، انا ما وجهتش اساءة لحد.
وشدد : فيه خلاف مصر كلها عارفاه ، بين إبراهيم نور الدين ومحمد فاروق ، ليه منحلش المشاكل ونصالحهم على بعض ، نبقي واضحين ونحل المشاكل ، منخبيش المشاكل ، كدا التحكيم هيفضل محلك سحر ، أنا مش ضدك .
واستمر : انا متمسك بكلامي ومش بسئ لحد ، إحنا محتاجين تغيير شامل بعيد عن شو الإعلام.
وأضاف : بأي صفة هيتم التحقيق معايا ، أنا يقول رأيي وبتكلم كلام فني ، لو مواجهناش نفسنا يبقي مش هنغير حاجه ، عاوزين الناس تنجح والأندية متشتكيش.
شاهد الفيديو
