حتحوت يتجاوز ضد إدارة الزمالك ويعلن استعداده استضافه لاعب الفريق بعد الاستغناء عنه – فيديو

وجه الإعلامي هاني حتحوت رسالة نارية إلى الإعلامي أحمد سالم المتحدث الرسمي باسم مجلس إدارة نادي الزمالك بسبب أزمة اللاعبين الراحلين عن القلعة البيضاء.

جاء لك خلال استعراض “حتحوت” لبوست علي ياسر مهاجم الفارس الأبيض السابق والذي أعلن من خلاله أنه تفاجأ بعدم قيده في قائمة الفريق والاستغناء عن خدماته.

وقال ” حتحوت” :” علي ياسر لاعب الزمالك السابق اللي كان معار إلى مودرن سبورت كتب عبر صفحته عن رحيله عن النادي بعد عدم قيده”.

وأضاف ” حتحوت” خلال تقديمه حلقة جديدة من برنامج ” الماتش” على قناة ” صدى البلد” :” من حق الزمالك أن يستغني عن بعض اللاعبين طالما الأمر قانوني”

وتابع :” رسالتي للأستاذ أحمد سالم المتحدث الإعلامي باسم نادي الزمالك، الأستاذ أحمد سالم طلع في قناة الشمس من كام يوم وقال مش عارف اية الموضة اللي طالعة الأيام دي ان لاعب الزمالك يستغنى عنه يتم استضافته في القنوات”.

أكمل : ” حتحوت” :” الحقيقة أنا واحد من الناس اللي استضافوا محمد طارق لاعب الزمالك السابق بعد رحيله، وبقول للأستاذ أحمد سالم هل محستش بـ التشابه الشديد بين قصة 5 لاعبين”.

وكان هاني حتحوت قد استضاف محمد طارق لاعب الزمالك السابق بعد إعلانه عن رحيله عن القلعة البيضاء.

أستطرد :” بقول للأستاذ أحمد سالم  هل محستش إن فيه مشكلة ما في قصة إنهاء التعاقد بين الزمالك واللاعبين .. كلهم كانوا مضايقين أن محدش بلغهم أتمنى ان نهتم بـ مين أتكلم وقال ايه”.

أستطرد :” ثانيًا هو اللي مشى من الزمالك أو الأهلي مش بني آدم عشان يطلع يتكلم هو في النهاية بني آدم زي زيك .. لية مش عايزين تسمعوا حد غيركم يمكن يكون عنده وجه نظر تانية من حقه إنه يتكلم ويقولها، اللي عايز يتكلم يتكلم .. ليه مفكرين بس أنت انتوا بس اللي معاكم الحق”.

وأكمل ” حتحوت” :” ثالثُا هو مش محمد طارق ده لاعب منتخب أولمبي وعنده رحلة مع المنتخب الأولمبي وكان أحد اللاعبين اللي اتقال عليه كلام كتير على مستواه في البطولة وكان من حقة يرد ويشرح”.

وأختتم ” حتحوت” :” الناس كلها من حقها تقول اللي هي عايزاها ومرحب بها وتنورنا وتشرفنا وبقول لـ علي ياسر أتمنى لو تشرفنا بكرة إن شاء الله”.

شاهد: