لقن خالد الغندور، نجم الزمالك السابق، الإعلامي الأحمر أحمد شوبير، وإمام عاشور لاعب الأهلي، درسًا قاسيا بعد حلقة الأخير في قناة ناديه.
وقال الغندور، في بث مباشر عبر حسابه الرسمي على موقع التواصل الإجتماعي “فيسبوك”:” إمام عاشور، كان ضيف كابتن أحمد شوبير على قناة الاهلي، إمام عاشور قاله الكابتن الخطيب قالي ركز ومتخسرش جمهور الزمالك فالكابتن شوبير رد: طبعًا انت مش متعود على الحاجات، طبعا حاجة عيب اللي قاله الكابتن شوبير، لأن ده نوع من التقليل من نادي الزمالك عيب يا كابتن شوبير، انت أكبر من كده بكتير”.
وتابع: “لو الكابتن الخطيب، قال لإمام عاشور، متخسرش جمهور الزمالك، هل من الطبيعي إمام، يروح يغني مع جمهور الأهلي ويعمل كابو والجمهور. يقول البنت بيضا، هو أكيد عارف الجمهور قصده على مين”.
وشدد الغندور:” إمام عاشور، لما أحرز هدف في مرمى الزمالك قلع التشيرت واحتفل، احنا شوفنا لعيبة كتير على مستوى العالم بيسجلوا أهداف في فرقهم السابقة أصحاب الفضل عليهم، بيرفضوا الاحتفال أو بيفرحوا فرحة عادية، احنا شوفنا محمد صلاح، لما جاب جون في روما رفض يحتفل ومصطفى فتحي. لما جاب جون في الزمالك رفض يحتفل”.
وأختتم: “هل إمام عاشور، عمل بنصيحة الكابتن محمود الخطيب؟ مفروض الكابتن شوبير، كان يقوله الكلام ده لكن عشان هو في قناة الأهلي مينفعش يقول الكلام ده، لكن في نفس الوقت مينفعش يقلل من نادي الزمالك ويرمي هذا الكلام”.
