رد ناري من الشريعى على تصريحات شادي محمد ويكشف سبب إلغاء مباراة سيدات الأهلي وإنبي !! – فيديو

رفض ايمن الشريعي رئيس إنبي ، تصريحات شادي محمد المشرف على الكرة النسائية بالنادي الأهلي ، مؤكدا ان حديثه عن تعمد سيدات إنبي الانسحاب امام الزمالك غير مقبول .

وقال ايمن الشريعي في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي إبراهيم عبد الجواد : حولت الإداري للتحقيق لانه الخطأ كان منه ، كان عندنا ماتشين.

وواصل : ماتش إنبي والأهلي شباب إمبارح ، والنهارده ماتش كرة نسائية ، ودا نشاط جديد في كل الأندية ، عندنا مسئول يتعاقد مع عربات الاسعافات والأمور الطبية.

وأكد : لما الإداري اتبلغ إن عاوزين عربية إسعاف لماتش الأهلي ، هو فهم ان الموضوع يخص ماتش الشباب ، وفهم إن عربية الاسعاف لماتش السيدات مسئولية البنت المسئولة عن فريق السيدات إللي طلبت منه العربية.

وشدد : الايصال مندفعش بتاع الماتش علشان كدا العربية مجاتش.

وزاد : كان لينا ماتش مع بروكسي قبل كدا وملقناش العربية واتحسب لنا الماتش ومفيش موضوع يعني الموضوع بسيط مفيش حاجه يعني.

وأكد : الساعة 4 لقيت الناس كلها عاوزاني أتكلم وارد على شادي محمد.

وتابع : مش ممكن شادي محمد يقول ان العربية كانت موجودة واختفت ، نادي انبي مش نادي صغير ، عندنا بدل عربية آتنين وتلاته دي عربية تبع الشركة الخاصة بالنادي ومش مصرح لها تكون موجودة في المباريات.

واستمر : تمثلية معموله إزاي ؟ دا مش كلام ممكن يطلع من أي شخص مسئول في منظومة الأهلي المنضبطة ويقولك اللى خايف من الأهلي ميلعبش ، كلام صعب جدا ومينفعش يتقال يعني.

وأتم : الكلام مش طبيعي ، كلمت المشرف على الكرة النسائية وقالي شادي محمد كان متعصب جدا.

شاهد الفيديو