علق سيد عبدالحفيظ، مدير الكرة السابق بالأهلي، على أزمة إبقاف قيد نادي الزمالك، في حال عدم سداد مستحقات البرتغالي جايمي باتشيكو المدير الفني الأسبق للفريق.
وقال عبد الحفيظ، خلال تصريحات تليفزيونية ببرنامج “اللعيب”، عبر قناة “mbc مصر”:” لم اعد اتعاطف مع الزمالك بسبب ايقاف القيد، انت مش هتطلع كل شويه في دور بحل الازمات، انت دورك ازاي اقوي فرقتي ولاعبيتي وجهازي الفني، مش كل مره اطلع انا عندي مشكله عيشوا معايا فيها، انت مش عملت المشكله وانت منوط بحلها”.
وأضاف:” واحد يروح الفيفا يطلب كل القضايا وابدأ احلها كلها خالص، لاما اجدول مع اصحابها، علشان مش من مصلحة نادي كبير يكون معرض لايقاف القيد كل10 ايام”.
وشدد عبد الحفيظ: “انا بادفع 500 مليون، يبقى مفيش ازمة، في فرق بين عندي ازمه سيوله وانك عندك ازمه، اﻧت عندك اصول ماليه، انا مش بهاجم، المجلس جاء من سنه وكتر خيره، واوجد حلول، انا فرقه مش هسمع مشاكل، هل كل المشاكل دي متاثرش على الفريق؟، ألف باء ادارة تهيئه وضع صحي للاعبين والجهاز الفني”.
وواصل:” انت داخل وعارف كويس اوي ان الاوضه فيها تعابين، مش كل شويه اطلع تعبان واقتله، لاما اهد الاوضه لاما انضفهاكلها، لو عاوز بطولة كبيره لازم تحل كل الازمات، المجلس كتر خيره، مش ممكن عندك ماتش وتطلع تقول عندك ازمه ايقاف قيد”.
وأختتم: “انا بتكلم لصالح الفريق، الفريق ده معه جهاز فني ومدير كره، المفروض يكون مفيش مشاكل خارجيه انا بتكلم لمصلحة النادي”.
شاهد:
