كذب شادي محمد المشرف العام على الكرة بالفريق الأول للكرة النسائية بالنادي الأهلي تصريحات ايمن الشريعي رئيس إنبي ، بشأن عربة الإسعاف المتواجدة قبل المباراة .
وقال شادي محمد في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي إبراهيم عبد الجواد : كل الاحترام لمسئولي إنبي ، وكمسئول داخل الأهلي بدور على مصلحة فريقي ، بندور على منظومة قوية مش مصلحة الأهلي بس ، بندور على دوري قوي ومنتظم لان ده بيفيد الأهلي.
وأكد : اتصدمنا لما لقينا فرق بتنسحب ، حاجه تدايق ، لأن لائحة الدوري بتقول إن الدوري بيحسم بفارق الأهداف ، فلما فريق ينسحب قدامي ويلعب قدام فريق تاني فده ظلم.
وشدد : لو انت قلت قادر العب وانسحبت يبقي اتحاد الكرة يوقع عقوبات قوية على الأندية.
وزاد : انا مش هفتش في نوايا حد ، لكن فيه روايه إحنا بنعسكر ونصرف وفيه انسحابات حصلت قبل كدا برده.
وأكد : كان فيه عربية إسعاف برده ملهاش علاقة بالشركة لكن مش موجود ورقة تسديد الرسوم فسألت مسئول في الملعب قالي كان فيه إسعاف لكن قالي خدت حالة تعبت فجأة ومشيت.
وأشار : قعدنا منتظرين عربية الاسعاف لكن مجاتش ، رفضنا نلعب المباراة بدون إسعاف بعد واقعة لاعب كفر الشيخ.
وتابع : لازم اللى عمل اللوائح يكون مؤمن بحاجه إسمها كرة نسائية ، بحترم إنبي جدا لكن بتكلم على حقوق وواقع لازم نغيره بلدنا نستحق كل حاجه بنعملها ، ياراجل دا ناس بتكلمك تقول ستات ومطبخ يعني مش عاوزينهم يلعبوا كرة ؟
شاهد الفيديو
