شاهد.. مقدمة نارية من إبراهيم فايق على أزمة طاقم حكام مباراة الزمالك والبنك الأهلي – فيديو

علق الإعلامي إبراهيم فايق على أزمة حكام مباراة الزمالك والبنك الأهلي، مشيرًا إلي أن اتحاد الكرة تعامل مع الأزمة بشكل خاطئ وأن الأخطاء كانت لصالح وضد الزمالك.

وشهدت الفترة الماضية حالة كبيرة من الجدل في الوسط الرياضي المصري بسبب أحداث مباراة الزمالك والبنك الأهلي والتي شهدت العديد من الحالات التحكيمية الجدلية و احتساب ثلاث ركلات جزاء.

وقال “فايق” :” الناس ناسيه إن الأخطاء التحكيمية اللي حصلت في مباراة الزمالك والبنك الأهلي كانت لصالح الطرفين وعليهم”.

وأضاف ” فايق” خلال تقديمه حلقة جديدة من برنامج ” الكورة مع فايق” على قناة ” إم بي سي مصر 2 ” :” الزمالك كان ليه ركلة جزاء لم تحسب و تم احتساب عليه ركلة جزاء غير صحيحة والبنك الأهلي تم احتساب ركلة جزاء عليه غير صحيحة”.

وتابع :” لو انا صاحب قرار كنت هقول إننا كـ لجنة حكام عندنا مشكلة ونذيع اللى حصل في غرفة الفار واطلع أنا كـ اتحاد كرة ولجنة حكام أطمن الناس وأقول للناس إن اللى حصل إن اللى حصل هو خطأ تحكيمي وارد حدوثه .. زي ما كلاتنبرج كان بيعمل وبالتالي انت مكنتش هتعمل حاجة جديدة”.

أكمل “فايق” :” تسجيل المحادثة بين حكام المباراة معانا من أول مرضناش نذيعة .. والمؤسؤولين عندنا فتحوا تحقيق فقط علشان يعرفوا مين اللى سرب المحادثه .. فهل ده اللى اتعلمته وهل ده طريقة إدارتك للمشهد”.

وأستطرد :” المفروض ادور ورا الخطأ الفني اللى حصل واعترف واعتذر لو أنا غلط .. لكن احنا فتحنا تحقيق في التسريب فقط”.

أكمل :” طريقة التعامل مع الأزمة من اتحاد الكرة كان غلط .. لازم الناس تفهم إن الأخطاء اللى حصلت أضرت بالزمالك والبنك الأهلي معًا وهو ما يحمل مضمون في غاية الأهمية إننا افتقدنا الكفاءة التحكيمية في هذا اللقاء”.

شاهد: