كشف أحمد طارق شقيق محمد طارق، عضو مجلس إدارة الزمالك، تطورات حالته الصحية بعد إصابته نتيجة إندلاع حريق في منزله.
وقال طارق، خلال مداخلة هاتفية ببرنامج “اللعيب”، عبر قناة “mbc مصر”:” الحمدلله محمد حالته احسن شويه،وربنا يحفظه وبدعوات الناس وستر ربنا، ماحصله يعتبر خربوش بالنسبة لوضع البيت”.
وتابع: “محمد احسن، الدكاتره وبيطمنونا وبيعملوا تنظيف لاماكن الحروق فبيدخل العمليات لانه بيحصل ببنج كلي”.
وشدد طارق:” الاصابات في وجهه ويده، وخلال 15 يوم الوجه هيكون افضل، ولكن يده هتأخد وقت، هو كان مفكرني نايم جانبه فكان بيطفي السرير بايده، الغرفه كان فيها لبس كثير فالنار اشتعلت سريعا”.
وأردف: “محمد ممكن يخرج من المستشفى خلال 4 او 5 ايام بعد مغادرته العنايه المركزه ، مفيش حد اعرفه مجاش زاره، مسئولي الزمالك ومسئولي الدوله زروه، والاهلي واندية ثانيه سألت عليه”.
وأتم:” بطمن كل الناس محمد بخير وهيقوم بالسلامة ويرجع اقوى ان شاء الله”.
