حرص محمود عبدالرازق شيكابالا لاعب خط وسط الفريق الأول لكرة القدم بنادي الزمالك ، على التعليق على ملف تجديد احمد مصطفي زيزو مع الزمالك ، ذلك خلال احتفالية رجال اعمال القلعة البيضاء بلقبي الكونفدرالية والسوبر الأفريقي .
وقال شيكابالا على هامش احتفالية رجال الاعمال الزملكاوية بحضور عدد من لاعبي الأبيض :بقالي حاجه و 30 سنة في الزمالك أول مره أشوف التجمع ده .
وواصل : كنا في فترات قبل كدا بنحل كل حاجه بالصوت العالي ، لكن حاليا لا ، دلوقتي فيه هدوء وأي حد عنده مشكلة بيقدر يتكلم مع اي حد قدامه.
وأتم : الناس اللى من برا النادي بتقول اللعيبة هتزعل لو زيزو جدد ، لا احنا اللى بنطالب ان زيزو يجدد معانا ، وكمان بنطالب بتجديد مستر جوميز.
جدير بالذكر أن عقد احمد مصطفي زيزو ينتهي مع الزمالك بنهاية الموسم الجاري ، ويحق له التوقيع لأي نادي مجانا في يناير المقبل .
ويسعي الزمالك لتجديد عقد اللاعب خلال الفترة المقبلة ، كونه أحد أهم عناصر الفريق في الخط الهجومي .
شاهد الفيديو
