طارق السيد يحرج إبراهيم فايق بسبب جماهير الزمالك .. ورد مفاجئ من الأخير – فيديو

فاجئ طارق السيد الإعلامي إبراهيم فايق بمواجهته عن أسباب غضب جماهير نادي الزمالك من “فايق” الفترة الماضية بعد أزمة تسريب محادثة مباراة الفارس الأبيض والبنك الأهلي وأزمة معسكر الفريق في دولة الإمارات

وقال “فايق” خلال تقديمه حلقة جديدة من برنامج ” الكورة مع فايق” على قناة ” إم بي سي مصر 2 ” والتي استضاف فيها طارق السيد نجم الزمالك السابق :” مفيش حد عاقل في الدنيا يقدر يزعل جمهور الزمالك، وأنا راجل من اليوم الأول قدمت نفسي للناس إني بتاع الكل سواء زمالك او أهلي”.

أشار :” فيه ناس بتاخد كلامي الفترة اللي فاتت بشكل مجتزئ ومش عارف ليه، خاصة وأنا نمط شغلي واحد من بداية شغلي، انا احتفلت بلاعيبة الزمالك بشكل كبير بعد بطولة السوبر الإفريقي”.

وأضاف ” فايق” :” ساعة واقعة الإمارات كل اللي قولته إحنا في موقع حساس .. وقلت وقتها إحنا عندنا الفيديوهات الخاصة بالواقعة ومش هنعرضها ده انا اللي برنامج الوحيد اللي رفض إذاعة الفيديوهات الخاصة بالأزمة”.

وبسؤاله أشمعنى مفيش تسريبات غير مباراة الزمالك والبنك الأهلي، ومفيش حاجة تخص مباراة الأهلي والبنك الأهلي؟، رد ” فايق” :” اللي فتح الموضوع الخاص بالتسريب هو الصحفي أحمد عبد الباسط وليس أنا في فقرة معلوماتي”.

أكمل ” فايق” :” قبلها بيوم كان عندنا الكابتن توفيق السيد وقال ركلات جزاء البنك الأهلي غير صحيحة.. و اليوم اللي عرضت فيه الفيديو قولت القصة مش زمالك وأهلي وقلت إن الزمالك اتظلم والبنك الأهلي اتظلم وده معناه إن فيه خطورة على التحكيم المصري”.

وشدد ” فايق” :” قسمًا بالله الموضوع مكنش المقصود بيه الزمالك .. الزمالك ظلم في المباراة وتم اجتزاء كلامي ومعنديش فكرة ليه ده بيحصل .. واللي متأكد منه إن جمهور الزمالك عارف كويس الطريقة اللي بشتغل بيها”.

وأختتم ” فايق” :” الناس اللي فاهمة غلط بقولهم مش انا الشخص اللي بيتم تصويره ومفيش حد عاقل يخسر جمهور الزمالك وأنا فعلًا بحب جمهور الزمالك زي ما بحب جماهير الأهلي والإسماعيلي”.

شاهد: