كشف اشرف عبد العزيز، محامي محمود عبدالمنعم كهربا، لاعب الأهلي، موعد سداد باقي قيمة غرامة الزمالك، بعد تقديم بلاغ ضد الهارب.
وقال عبد العزيز، خلال تصريحات تليفزيونية ببرنامج “اللعيب” عبر قناة “mbc مصر”:” لم اتردد لحظه اتولى الدفاع عن فتوح، المحاماة مهنه ساميه، زعلت من قلة من جمهور الزمالك، مفيش محامي زملكاوي او اهلاوي اودكتور منتمي”.
وتابع: “انا ابني زملكاوي لما يحصله مشكله اقول لاده زملكاوي، مفيش حاجه اسمها محامي زملكاوي او اهلاوي في مشجع اه انما محامي لا، متقعدش ورا الموبايل وتشتم حد شغال”.
وشدد عبد العزيز:” لم اكن محامي كهربا في قضيته مع الزمالك، كنت بساعده اعلاميا، ومع المحامي الدولي في احضار مستندات وبتهاجم وبتشتم، وكنت باشرح للجماهير هيدفع امتى ومعه كام”.
وأضاف:”المحامي الدولي قال قدامي سنه اوسنه ونصف لدفع غرامة الزمالك، لكن جهزنا الفلوس ودفعنا لان الحكم كان نهائي، وكنا بنعطل الاجراءات القانونيه لتأجيل السداد، كهربا مكنش معه غير 71 مليون، وكتب شيك بـ6 مليون، ومحتاج مهله لمعرفه كهربا معه كام علشان نسدد”.
وأختتم: “احمد يحيى وكيل كهربا هيتواصل مع مجلس الزمالك غدا لمعرفة كهربا عليه كام، وخلال شهر يدفع المبلغ ويجهزه هو معه 2 او3 مليون، وهيكمل الباقي ممكن ندفع الجزء الموجود معه لكن بموافقه الزمالك”.
