أكد محمد فاروق رئيس لجنة الحكام السابق ، أنه يثق إن الحكم محمد عادل ، برئ من التسريب الخاص بمباراة الزمالك والبنك الأهلي في افتتاح الدوري .
وقال محمد فاروق في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر :أنا متأكد إن محمد عادل برئ ، اللى سرب يقدر يغير في الصوت ويعمل اي حاجه ، ان لم تستحي فافعل ما شئت.
وأكد : الرياضة في مصر كلها انضرت ، يعني إيه يحصل تسريب ؟؟
وشدد : حسيت بصدمة بعد التسريب ، الأخطاء موجوده مفيش مشكلة لكن التسريب موضوع صعب جدا.
وأضاف : الحكم بيحكم في دوري المحترفين كان ب3 الاف ، وخليتها 5 الاف ، وماتشات الناشئين بيحكموها ب200 جنية ، اتحايلت على الاستاذ جمال علام يخلي الماتش ب400 مرضاش نهائي ، دا لو ركب تاكسي رايح جاي ، السواق هياخد منه شنطة هدومه.
وأتم : الناس بتقول اقالة لجنة الحكام علشان يهدوا الرأي العام ، هو انت علشان ترضى الرأي العام تظلم الناس ؟؟ التحقيقات والله ما أدانت اللجنة ، الورق الرسمي ياجماعة بيقول كدا، لو أي حد مدان يندبح ، أصل دي خيانة ياجماعة.
شاهد الفيديو
