مرتضى منصور يفتح النار على ممدوح عباس بسبب فتوح ويكشف مفاجآت.. “الراجل الأهبل اللي بينظم المرور” – صورة

فتح مرتضى منصور، رئيس الزمالك السابق، النار على ممدوح عباس رئيس الفارس الأبيض الأسبق، بسبب تصريحاته بشأن أحمد فتوح لاعب الفريق الأول لكرة القدم بالنادي.

وكتب مرتضى عبر حسابه الرسمي بموقع التواصل الإجتماعي “فيسبوك “:” مين الولد ده اللي بيهاجم فتوح الكابتن الحقيقي لفريق الزمالك وبيتهمة بالتمارض اولا صفتة ايه وماهي علاقتة بالنادي غير ذكريات زي الزفت احتل الزمالك سنوات بالتعيين وبعدين بانتخابات المحكمة طردتة برة لانها مزورة “.

وتابع:” مش خجلان من نفسة يااخي استخبي تحت اي سرير خربت النادي وسموا فترتك العشرية السودا ولما غورت من النادي حجزت علي ارصدتة حوالي 13 سنة وتآمرت علي رئيس النادي ومجلس الادارة المنتخب مع الاسطورة الوهمية اللي كنت بتكتب له بيانات الغدر الكاذبة”.

وأضاف منصور:” كلنا عارفين بتهاجم فتوح وبتنتقم منه ليه علشان كلكم اتخليتوا عنة في محنتة وهو والمحامي الاهلاوي المحترم اشرف عبد العزيز شكروني لوقوفي بجانبة ازاي لازم نهاجمة ونخلص علية علشان الجمهور يهاجمة ونبطلة كرة “.

وواصل:” لو راجل انت ودلاديلك قول لنا لما رفعت الحجز بعد ماسيبتنا النادي عن طريق صديقك سيادة الفريق اللي استقالتنا في خزينة وزارتة كان ليك كام 20 مليون لما كان الدولار ب6 جنية في 2006 واستلمتهم بسعر الدولار 50 جنية، يعني استلمتهم 80 ضعف مع انك استلمتهم قبل كدة 3 مرات .”.

وأردف منصور: “ايها الجماهير العظيمة فتوح صرف كل اللي معاة علي الدية ودا حق اسرة المتوفي وكان الولد دة وعدة انه ليه 11 مليون جنية هايدفعهملة وياخد شيكات علي النادي وبعد شكرة لي هو والمحامي رافض يديلة جنية وبيشهر بيه .

وأختتم:” فاكرين الراجل الاهبل اللي كان بيلبس بيجامة وكازوز وبينظم المرور في ميدان التحرير وعايش في دور اللواء قائد المرور مش عارف ليه افتكرتة دلوقتي “.