مسئول كبير يثير الجدل !! سيف زاهر يكشف فرمان من الزمالك بشأن تجديد زيزو !!!!!! – فيديو

فجر الإعلامي سيف زاهر ، مفاجأة كبري ، بعدما نقل حديثه مع مسئول كبير في القلعة البيضاء على حد وصفه، مؤكدا ان النادي أتخذ قرار بعدم تجديد عقد اللاعب بارقام كبري .

وقال سيف زاهر مقدم برنامج ملعب اون تايم المذاع عبر شاشة قناة اون تايم سبورتس الفضائية : النهارده اتكلمت مع مسئول كبير في الزمالك ، وقالي زيزو عقده ينتهي مع النادي السنة دي.

وأكد : قالي زيزو من أفضل اللعيبة الموجودة في الزمالك ، وقالي إحنا شارينه ، قلتله زيزو شاري النادي ؟ قالي زيزو بيحب الزمالك وجمهور الزمالك ، قلتله لا يافندم انا سؤالي شاري الزمالك ؟ قالي منا بقولك اكيد بيحب الزمالك وجمهور الزمالك.

وشدد : أنا كل ما اسأله كدا يرد عليا رد تاني ، قالي بص الزمالك مش هيدفع 80 و70 و90 و100 مليون مش هيحصل ومش موجود في الزمالك.

وتابع : قالي انا لو دفعت لزيزو 90 مليون الفرقة هتفك مني وهيبقي فيه فجوة في الراتب ، واللي بياخد 10 مليون هيقولي عاوز 20 ، فالتجديد لزيزو بالأرقام دي مش هيتم من جوه النادي ولا برا، انا عندي سقف معين انا هدفعه ، والسقف تحت ال40 مليون جنية.

وزاد : قلتله عاوز رد قاطع ، زيزو مكمل في الزمالك ، قالي قول ان شاء الله.

وأضاف : قلتله يعني مستمر ؟ قالي إحنا إدارة الزمالك متمسكين باللاعب ، لكن مينفعش تقول مستمر لان الموضوع دا متوقف على طرفين.

وشدد : قالي والد زيزو هو اللى بيقود المفاوضات ، هقولك شاري الزمالك لما يوقع ، زيزو يناير القادم فري ويقدر يوقع لأي نادي وياخد مقدم عقد ضخم.

وتابع : زيزو مكمل في الزمالك ؟ محدش يعرف.

وأكد : والد زيزو قالي قبل كدا وقالي شاريين الزمالك وواصلين مع الزمالك لنقطة كويسة ، النهارده عرضت الكلام على المسؤل ، قالي طب ما يمضي.

وأتم : وجود زيزو او رحيله 50-50 ، وجوده في الزمالك أو رحيله يناير الجاي متوقف على اللاعب والزمالك مش الزمالك بس.

شاهد الفيديو