مفاجأة صادمة !! سيف زاهر يكشف عن مصير عقوبات مباريات الدوري المصري بعد نجاح هاني ابوريدة في الإنتخابات !! – فيديو

فجر الإعلامي سيف زاهر مفاجأة كبري، بعدما أكد ان جمال علام رئيس اتحاد الكرة المصري أبلغ هاني ابوريدة رئيس الاتحاد المستقبلي ، انه سيترك عقوبات مباريات الدوري المصري لحين قدومه .

وقال سيف زاهر مقدم برنامج ملعب اون تايم المذاع عبر شاشة قناة اون تايم سبورتس الفضائية :امبارح سمعت موضوع أصابني بالضحك ، اتكلمت عن موضوع خالد عبدالفتاح ومروان حمدي والموضوع كان طار على السوشيال ميديا.

وأكد : اتكلمت مع احد المقربين من هاني ابوريدة ، وقالي حصل اتصال بين علام وابوريدة.

وأشار : جمال علام قال لابوريدة في الاتصال الف مبروك ، وقاله فيه ملفات مش هناخد قرارات فيها ولما تيجي خد قرارات.

وزاد : زي مثلا ماتش الزمالك والمصري لما جوميز زق الحكم ، فين التقرير ؟ مفيش تقرير ، طلع الحكم قال سلمت التقرير وبعدها ظهر التقرير ، محمد فاروق قالك مش دوري.

وتابع : الواقعة بقالها 153 يوم ، 5 شهور بس بالصلاة على النبي ، خش في الدرج جنب اخواتك.

وشدد : خناقة مروان إمبارح ، مروان غلط ، بيراميدز مستني عقوبات قدم شكاوي في الماتش ده، والأهلي نفس القصة قدم شكاوي.

وأضاف : الماتش ده مبقالوش غير 136 يوم يعني 6 شهور.

وقال : هاني أبوريدة قاله إزاي مستني اجي أنا أعلن ، دا من السنه اللى فاتت ، قاله جاي ولا الدور الجاي ، قاله لا مش جاي مليش دعوة أنا كمان بالعقوبات دي .

وفجر مفاجأة مدوية : مفيش عقوبات.

وزاد : أنت كدا كدا ماشي ، إطلع بقي بقرارات صح ، وخلي التاريخ يتكلم عنك.

واستمر : هو إحنا بنكلم نفسنا ؟ مش بتتفرجوا علينا ؟ أنا هنا بتكلم على الأخطاء لكل الأندية إزاي مفيش عقوبات ؟

واستطرد : لما حد يغلط تاني هتعمل إيه ؟ لو حد غلط الاسبوع دا هتعمل معاه إيه ؟ هيقولك إنت بتهزر واللي قابلي.

واسترسل : ياجماعة إحنا بنهرج المجلس القديم بيقول للجديد تعالي شوف العقوبات اللى احنا سايبنها.

وأتم : كلهم ناس محترمين لكن واضح انهم مش بيتفرجوا علينا.

شاهد الفيديو