أكد المحامي أشرف عبدالعزيز ، انه تفاجئ بتقديم شكوي رسمية من الزمالك ضد محمود كهربا لاعب الأهلي من أجل تسديد الشيكات دون التواصل معه قبل فعل ذلك .
مضيفًا انه تفاجئ بتقديم الشكوي قبل أيام من جلسة احمد فتوح ، كونه المحامي الخاص بالثنائي .
وقال اشرف عبدالعزيز في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : كهربا ؟ الأربعاء الاسبوع اللى فات عرفنا ان الزمالك حرر محضر ضد كهربا.
وواصل : كهربا قالي نتقابل ونتكلم بعد ما تخلص موضوع احمد فتوح.
وأشار : كان واجب على إدارة الزمالك تتصل بيا قبل ما تقدم بلاغ ، وكنا هنقولهم هنسدد بعد شهر، لكن حضرتك قدمت بلاغ وكهربا دا ابن ليا ، ودا حصل قبل جلسة فتوح ، طب كنت إستني لما أخلص موضوع فتوح حتي، أنا كنت مسافر علشان جلسة فتوح ومبقتش عارف ارجع أتابع ، كهربا قالي خليك خلص فتوح الأول.
وشدد : بكرا هقعد مع كهربا وهشوف ظروفه ونقدر نكلم مع الزمالك نشوف هندفع إيه ونستني شوية ، ياريت ننتهي من هذا الأمر.
وأضاف : كهربا دفع مبلغ كبير ياريت نصبر عليه ، لو حصل اتصال كنت هقول حاضر ونحل المشكلة.
واستمر : يوم الحد هقعد مع كهربا وهتواصل مع إدارة نادي الزمالك ، وكفاية محاكم بقي.
وشدد : كل الإحترام لمجلس الزمالك ، لكن مفيهاش حاجه لو حد كلمني وقالي فيه شيك على كهربا قبل ما يقدموا بلاغ.
وأتم : اللى اعرفه ان كل الفلوس اللى مع كهربا دفعها في الغرامة.
شاهد الفيديو
