كشف نصر يحيي وكيل الجزائري احمد القندوسي لاعب الأهلي المعار الى سيراميكا كليوباترا ، آخر طلبات اللاعب قبل الرحيل بشكل نهائي عن النادي بعد أزمة تصريحاته عن عمولة الوكلاء في صفقات الأحمر .
وقال نصر يحيي وكيل القندوسي في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : احنا لسه في مرحلة المفاوضات مع سيراميكا كليوباترا ، لسه مخلصناش المفاوضات.
وأكد : كل الأمور ماشيه في اتجاه سيراميكا كليوباترا ، والأمور شبه منتهيه بين الاهلي وسيراميكا كليوباترا في الماديات.
وأشار : الخلاف مش ماديات ، كان فيه طلب القندوسي طلبه من النادي قبل انتقاله والنادي هينفذه.
وزاد : فيه مطلب من القندوسي كان طلبه من محمد رمضان وان شاء الله الأمر ينتهي ، هي حاجه متعلقه بالقندوسي والنادي وهو مش مادي ، هي حاجه عادية مش هينفع تداولها.
وأضاف : هي كانت حاجه خاصة بقضية القندوسي مع الفيفا ، كان فيه وكيل بيطالب اللاعب بمبالغ معينه ، والأهلي هيساند القندوسي في الموضوع ده.
وتابع : كابتن محمد رمضان من بدري قال انه هيسانده في الموضوع ده.
وقال : الخطوة الجاية للقندوسي برا مصر ، سيراميكا هيشتريه ، بعدها هيجيلنا عرض من برا ودي أولوية لينا.
واستمر : ان شاء الله القندوسي يطلع برا مصر السنة الجاية، سيراميكا أتقدم بعرض للأهلي كان مناسب بعد عرضه للبيع.
وأتم : الناس في سيراميكا مرحبه باللاعب وهو معندوش مشكلة في الاستمرار.
شاهد الفيديو
