علق محمود فتح الله، نجم الزمالك السابق، على رحيل البرتغالي جوزيه جوميز عن تدريب الفارس الأبيض، ووجه رسالة هامه جدا لمجلس الإدارة.
وقال فتح الله، خلال تصريحات تليفزيونية ببرنامج “اللعيب”، عبر قناة “mbc مصر”:*الموضوع مفاجئ والصعوبة في التوقيت، المدرب هو مدرب كويس، ولكن التوقيت، وطالما المدرب مشي في وقت صعب فالجميع يتحمل المسئوليه”.
وأضاف:” الميزه نعالج اخطائنا بسرعه ونتجنبها، جوميز اجاد مع احترامي الكامل له، لكن هو الخسران، ليس من سمات المدربين الكبار الرحيل بهذه الطريقه، يكون عندك ماتش كبير بعد 4 ايام وترحل، المدربين الكبار مبيعملوش كده، ولايمشي بالشكل ده، المدربين الصغار هو من يرحلوا عندما يأتي لهم عرض كبير”.
وشدد فتح الله: “المفروض كنت تبلغ النادي اللي هتتعاقد معاه يجيب جهاز مؤقت مش الزمالك، ويخطرهم قبلها بفترة ويعطي للنادي اللي له فضل عليه وقت يرتبوا للامور”.
وأردف:” الزمالك كبير، والانديه الكبيره لابد ان تفكر بهدوء ومتصدرش ان في ازمه، الزمالك عنده جماهير واسم نادي، مدرب يمشي يجي ايوه في ماتش مهم بس الدنبا مش هتقف، والموضوع مياخدش اكبر من حجمه”.
وواصل فتح الله: “القصه ليست اسم المدرب، القصه علشان انجح لو في امور تتعالج لازم اعالجها قبل المدرب، استفيد من الاخطاء وايه يخلي مدرب يمشي من نادي بحجم الزمالك وجماهيريته، لو الفريق محتاج صفقات نتعاقد معهم ولوفي مشاكل نحلها، واي مدرب يتولى الزمالك اضافه لاسمه”.
وأختتم:” ممكن جوميز مشي، وهم كانوا مأمنين له قوي، هو كان جاي يتبروز، لو الفلوس متوفره نجيب اجنبي، لو الامكانيات مش قويه اجيب مدرب مصري واسنده”.
