خالد الغندور يخرج عن صمته بتصريحات تُشعل مواقع التواصل الاجتماعي بسبب “تشجيع الأهلي”!! فيديو
شن الإعلامي خالد الغندور، هجومًا على منتقدي أحمد حسام ميدو نجم الزمالك السابق، بعد إعلانه عدم تشجيعه للأهلي في كأس العالم للأندية، مُشددًا على أن المدعو أحمد بلال سبق وقال نفس التصريحات عن الزمالك.
وقال الغندور عبر صفحته الرسمية بموقع “فيس بوك”: “ناس كتيره زعلت من كلام ميدو بأنه مش هيشجع الأهلي في كأس العالم للأندية وهو حر في رأيه، ناس كتيره انتفضت لتهاجم فكره عدم تشجيع الأهلي لانه ممثل مصر في كأس العالم للأندية”.
وتابع: “لكن مشوفتش حد من الناس دي انتفض كده لما الأهلي نفسه منع لعيبته الكبيره تروح الأولمبياد مع منتخب مصر اللي هو الأهم من اي نادي وفي محفل دولي”.
وأضاف: “حضرتك ليه متحمقتش كده على منتخب بلدك وطلعت على الهواء تقول إن ده منتخب مصر وكان لازم الأهلي يسيب محمد عبدالمنعم وإمام عاشور يروحوا اولمبياد باريس وان تمثيل منتخب مصر اهم من اي ماتش محلي”.
وأردف: “حد هيقولي قانونياً مفيش حاجه تجبر الأندية تسيب اللعيبه .. هقولك هو انتوا دلوقتي عايزين تمثيل اسم مصر ومنتخب مصر ولا تمثيل الأندية باسم مصر .. يعني ايه الأهم منتخب البلد أو الأندية”.
واستكمل: “أحمد بلال طالع يهاجم ميدو بعد تصريحاته وبيقول أن الأهلي مش محتاج حد يشجعه وهو بيمثل مصر .. هو هو نفسه احمد بلال اللي كان ليه تصريح قبل كده أنه مش هيشجع الزمالك لانه بيمثل نفسه .. ايه منتهى الشيزوفرينيا ده”.
واستمر: “لا احنا عندنا ناس عندها انفصام في الشخصية .. هو هدف الإعلاميين اسم مصر بجد فعلا ولا إنهم عايزين يستقطبوا جمهور الاهلي يبقى في ظهرهم بس”.
واختتم: “في فرق بين رأيك الشخصي وكلام ممكن تقوله بينك وبين صحابك وبين كلام بتخاطب بيه الناس على الهواء .. لانه مينفعشي”.
