كشف خالد بيبو، لاعب الأهلي السابق، عن تفاصيل جديدة حول رحيله عن منصب مدير الكرة في النادي.
وقال بيبو، خلال تصريحات تليفزيونية ببرنامج اللعيب، عبر قناة “mbc مصر”:” جيت ليه ورحلت ليس من حق حد يعرف تفاصيلها كامله، انت كان لك دور في وقت معين، طيب انا جيت ليه؟، اناكنت سنه في منصب بالنسبه للاهلي هو تكمله لشغلي داخل النادي منذ 7 سنين، دوري كانوا محتاجني واشتغلت ورحلت”.
وأشار: “التفاصيل انا مسألتش عليها ولا عاوز اعرفها، دي وظيفه، واخر يوم اشتغلت في قطاع الناشئين كنت بعمل اختبارات وبلغوني بتولي منصب مدير الكرة وسلمت الشغل في القطاع واستلمت من كابتن سيد”.
وشدد بيبو:” كابتن سيد كان محقق نجاحات وطبيعي الناس تزعل على رحيله، وزعل ان انا اكون مكانه، انت زعلان ليه؟ “.
وتابع:” مش غاوي سوشيال ميديا ومش متابع قوي، بحاول مشغلش دماغي باللي بيتقال، كان عندي هدف وملفات والبدايه كانت سخنه ومكنش عندي وقت افكر الناس زعلانه ليه كل كل همي معسكر الفريق وقتها”.
وأضاف بيبو: “بعد قرار الاعتزال تقدر تتحمل اي شئ ثاني بعدها، وليس لاي حاجه لها ثمن، لان مفيش اجمل من انك تبقى لاعب كرة”؟
وزاد:” محدش كان يتوقع ان اختم الموسم بالشكل ده، انت عاوزني امشي لكن ربنا اكرمني ونجحت، الناس بتبص لزوايا واحده، ومش فارق ان النجاح يخلي الناس تبقى مبسوطه مني، المهم ان انا نجحت بالارقام، مكنتش شاغل دماغي ولافارق معي تقييم الناس والقرارات اللي اخدتها لو اتكرر الموقف هاخدها ثاني”.
واستطرد بيبو:” وجودي بعد سيد عبد الحفيظ، مكنتش مهتم اعافر علشان ابقي زيه، لان كل واحد له شخصيته وثقافته، مكنش هممني قوي ان ابقى شبه سيد”.
وواصل: “انا مشوفتش ان كولر مكنش عاوزني، لو كان قال مش عاوزني كنت هامشي، الموضوع ان مش هكون متكالب على المنصب، ومكنش فارق معي الكرسي”.
وأختتم:” كابتن الخطيب ابلغني بقرار رحيلي والجلسه ماخدتش دقيقتين، ولاخر يوم شغال، وطبيعي اخر الموسم بتقدم تقرير واستقالتك”.
