أكد أحمد حسن، لاعب الأهلي ومنتخب مصر السابق، أن أحمد مصطفى زيزو، نجم الزمالك، كان يستحق جائزة الافضل في إفريقيا.
وقال حسن، خلال مداخلة هاتفية ببرنامج “هاتريك”، عبر قناة “أون تايم سبورتس 2″:” مفيش منطق يخلي حارس مرمى زي ويليامز ياخد جائزة أفضل لاعب داخل القارة بدلًا من زيزو”.
وأردف: “اه أنت ممكن تديله جائزة أفضل حارس أفريقي ماشي، لكن حارس ياخد جائزة أفضل لاعب دي غريبه جدا وبصراحه مش مفهومه”.
وشدد حسن:” زيزو بالنسبه لي كان هو اللي يستحق جائزة أفضل لاعب داخل القارة اه حسين الشحات حقق بطولة وارقام وكل حاجه، بس أنا كنت شايف زيزو يستحقها لاعتبارات كتيره منها ثبات المستوى وتاثيره نع الزمالك والمنتخب وفوزه ببطولتي الكونفدرالية والسوبر الأفريقي مع النادي”.
وواصل: “لكن ايه الفكره أنك تديها لحارس مرمى، الحاجات دي مش بتحصل كتير”.
وأختتم:” عصام الحضري رغم عظمته لحد 2010 ومصر بتحقق أمم أفريقيا مكانش بياخد أفضل لاعب في القارة دي لانه حارس مرمى”.
شاهد:
