كشف الإعلامي إبراهيم عبد الجواد عن تفاصيل مثيرة حول كواليس مفاوضات نادي الزمالك مع المدرب السويسري كريستيان جروس، المدير الفني الجديد للفريق.
وقال إبراهيم عبد الجواد في تصريحات عبر راديو “90 90”: “كان في بعض التخوفات من إدارة نادي الزمالك على التعاقد مع جروس إنه كبير في السن وبقاله سنتين مش بيدرب وأخر تجربه ليه مع شالكه مكنتش ناجحه أوي”.
وتابع: “إللي خلى القلق ده يروح خالص من عند الإدارة هو الاجتماع إللي تم معاه في زوم ولقوا ذهنه حاضر تماما وفي اسئلة مهمة كان بيسأل عليها وتفاصيل كتيرة سأل عليها”.
وأضاف: “هو في الأول جروس مكنشي مُقبل على التجربة، وقالهم إنه متابع مباريات الزمالك آخر فترة ومش هي أفضل حاجة وأنا مش عايز أجي على فريق معندوش مقومات النجاح لإني جاي عايز أكسب بطولات ومش عايزها تتحسب عليا تجربه فاشلة”.
واستكمل: “المدرب اتفرج على مباريات كتيرة للزمالك وقال للإدارة ابعتولي كل تفاصيل الفريق وجروس وضع إيده على بعض النقاط اللي بلغ بيها الإدارة وطلب دعم الفريق في يناير”.
واختتم: “المدرب وصل مصر وكان في تكتم على وصوله علشان الصحافة وهيتم عقد جلسه معاه لانهاء كافة التفاصيل في الجهاز المعاون والمدرب المصري الاقرب معاه امير عزمي لو قدر يفك ارتباطه مع الداخلية ولو محصلشي فهيكون محمود فتح الله المساعد”.
