أشاد احمد سالم يكشف الرسمي بإسم مجلس إدارة نادي الزمالك ، بصمود القلعة البيضاء امام الازمات على مدار تاريخ النادى .
وقال احمد سالم في تصريحات عبر برنامجه تحت الشمس : لما قولنا الزمالك أكبر قلعة رياضية الناس زعلت وقالك إزاي وتعالي نقيس ، وكأننا لازم نستاذن قبل ما نطلق إسم ، رغم إن كله بيسمي عادي ، الشواكيش والمدفعجية .
وواصل : يعني مثلا لما اجي اقول الشياطين الحمر هل إستني واشوف فيه شياطين أكثر احمرارا، لكن موضوع قتل بحثا.
وأشار : دائما في حصص التاريخ نسمع سقوط حصن كذا أو سقوط الدفاع المستميت في القلعة الفلانيه ، علشان كدا مفهوم القلعة لايق على الزمالك واللى اتعرض له.
وأكد : اللي اتعمل في الزمالك اخر 25 سنة لو اتعمل في نادي تاني لانتهي كان خلص وكان زمانا بنحكي لاولادنا كان فيه نادي كبير زمان ، لولا انه الزمالك أكبر قلعة رياضية في العالم.
وزاد : دايما ما يعقب انتصارات الزمالك انكسارات غريبة جدا ، مش عاوز أروح لنظرية المؤامرة بس هي ملهاش غير كدا.
وتابع : في 2002 و2003 اتنين دوري ورا بعض واحسن نادي في العالم حسب احصائية ، وواخد أبطال الكئوس ، وبعد كدا 5 ، 6 سنين انهيارات ومحاكم وحرمان من عوائد إعلانات.
وأضاف : يجي بعد كدا شيكابالا قدر يعدي بالزمالك فترة صعبة جدا ، ويجي الزمالك في 2015 ياخد دوري ، ويحصل بعد كدا تفجير من الداخل او الخارج متعرفش تلاقي كل اللعيبة مشيت وتبني من أول وجديد ، وكل مره النادي بيتكسر بيطلع بطل ، الزمالك راح يلعب سوبر القرن والكل توقع هزيمه وعاد منتصرا.
واستمر : الزمالك ماشي كويس وواخد بطولات وتلاقي رحيل مفاجئ لعقد أكبر ، انسوا الكلام دا خالص مش بنبص ورانا.
وشدد : علي ماهر كل التحية شكل المصري مشرف والمصري هيكون له إنجاز في الدوري السنه دي ، الزمالك النهاردة كسب بروح الزمالك ،والنادي الوحيد اللى جمهوره بيدعمه مع كل انكسار.
وأتم : خلال. ساعات هيكون فيه مدير فني يليق بالزمالك.
شاهد الفيديو
