الزمالك عملك بني آدم !! الغندور يلقن امام عاشور درسا قاسيا بعد حديثه عن الزمالك ! – فيديو

انتقد الإعلامي خالد الغندور ، حديث امام عاشور عن الزمالك اثناء اعتذاره على ما فعله في الأهلي وازمنه مع زملائه بالفريق .

وقال خالد الغندور ضيف برنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : امام انت بتلعب في الأهلي نادي كبير .

وواصل : حتي وانت بتعتذر بتغلط و بتلقح على الزمالك ، ليه يا امام ، ليه عاوز تخسر الناس ، أنت فاكر إن نجاحك في الأهلي هو تريقتك على الزمالك ؟ الزمالك اللى خلاك بني أدم وبقي معاك فلوس ، ووداك المنتخب وميدتلاند.

وأكد : عندي معلومة ان الخطيب بعد اعتذار امام قال ملكش دعوة بالزمالك متجبش سيرته.

وشدد: طلع في حلقه قال كنت عاوز ارجع الزمالك والزمالك مرضيش، يعني انت كنت عاوز ترجع ودلوقتي بتشتم وتلقح على الزمالك ، الأندية التانية دي اللى عملتك.

وأتم : تلقيحك على الزمالك مش هيخليك نجم ، النجوميه مش سوشيال ميديا ، أنت أهلاوي في الملعب ولما تكسر الدنيا.

شاهد الفيديو