أكد خالد بيبو مدير الكرة السابق بالنادي الأهلي ، أنه لا يفضل سياسة إعلان عقوبات اللاعبين من جانب إدارة الأحمر .
وقال خالد بيبو في تصريحات عبر شاشة قناة الأهلي : مش هينفع اطلع اقول كل قرار باخده .. كان صوتي بيطلع جامد في غرف خلع الملابس وحصل الموضوع ده خمس مرات مثلا والكلام ده مش بيطلع.
وزاد : كان عندك عقوبات تقيله ضد كهربا وافشه؟ اه وكان في ناس تانيه كمان وناس من كباتن الفريق اتعاقبت واي حد غلط في تواجدي اتعاقب بس الحاجات دي مطلعتش.
وأكد : أنا صعب عليا افشه لما طلع قرار عقابه وحسيت أن الواد انداس عليه من مصر كلها وكأنه غلط فيهم كلهم .. وقرار عقابه قولتله لانك غلطت قدام الناس كلها فكان لازم تتعاقب قدام الناس .. في الاخر اللعيبه كلها بتغلط وده الطبيعي..
وأتم : أنا كنت بحاول احافظ على لعيبتي لان دلوقتي بقى في قنوات كتيره اوي وبرامج كتيره اوي وكل واحد عنده اكونت في السوشيال ميديا بقى بيتكلم .. فلازم حاجات تبقى في الغرف المغلقه.
