علق الإعلامي خالد الغندور، على هتافات جمهور الأهلي ضد لاعبي الفريق اليوم أمام شباب بلوزداد الجزائري، ضمن منافسات بطولة دوري أبطال إفريقيا.
وقال الغندور، خلال تصريحات تليفزيونية ببرنامج “ستاد المحور”:” النهارده حصل حاجه ممكن حد يشوفوها سلبيه واخرين ايجايبه، جمهور الاهلي شتموا بعض لاعبي الفريق قبل اللقاء، واثر عليهم جدا وكان هجوم قوي وقالوا رجاله عاله عاوزين رجالة، ووجهوا رسايل للشناوي ولكهربا”
وتابع: “جمهور الاهلي طول المباراة كانوا بيشجعوا اللاعبين، بعد اللقاء الشناوي حب يروح للاعبين ويقال في لاعب ومسئول قالهم متروحوش وخلى الجمهور شتمهم علشان اللعيبه مقموصه من الهجوم عليهم”.
وأردف الغندور:” كان في رسائل قد تكون سيئه للاعب لكن هناك شئ ايجابي، وهي رساله للاعبين ان مهما احرزت بطولات ومهما كان نجم فالاهلي هو الاهم”.
وأختتم:’ واوعى تنجم لاعب على حساب ناديك واللاعب بيأخد فلوس وبرستيج ومكافآت وممكن يروح لنادي اخر بفلوس اكثر بس بيخسر برستيج وبطولات، اوعى تنجم لاعب على كيان النادي، النادي اكبر مهما كان قيمة اي لاعب، اللاعبين بيشتغلوا على حس النادي بعد الإعتزال وبيتنادى عليهم انهم لاعبين سابقين للنادي”.
