علق الإعلامي خالد الغندورـعلى تصريحات السويسري مارسيل كولر، المدير الفني للأهلي، بعد التعادل أمام إنبي، ضمن منافسات بطولة الدوري.
وقال الغندور، خلال تصريحات تليفزيونية ببرنامج “ستاد المحور”:” كولر بيحمل اللعيبه والادارة مسئولية التعادل امام انبي، بيقول فضل اراحة الشناوي هو الشناوي لمايقعد على الدكة هيبقى تعبان؟، الحارس يرفض الحلوس بديل لمصطفى شوبير “.
وأضاف:” تخيلوا كولر بيقول ان الاهلي محتاج صفقات ومعندوش لعيبه، اللي هو اقوى اسكواد في مصر وافريقيا، وعنده بدل اللاعب إثنين وثلاثة في الديفندر 5 غير باقي المراكز”.
وشدد الغندور:” صفقات ايه اللي عاوزها كولر، ده مجلس الادارة جابالك امام عاشور ويحيى عطيه الله واشرف داري وعمر الساعي، ووسام ابوعلي هداف الدوري في نصف موسم”.
وأردف: “حضرتك لو بتقول انك اتعادلت بسبب معندكش صفقات تبقى مصيبه، انبي اللي اسكواده خُمسك مش ربعك ومعندوش اجانب”.
وواصل الغندور:” كولر بيعطي حجج للتعادل، كولر بيأخد في السنه كام؟ وبنقعد نقول زيزو طالب 80 مليون، ومعروف اللاعب بياخذ اكثر من المدرب، كولر بيأخد 150 مليون في السنه تقريبا، مايوازي 3 مليون دولار، ويقولك مفيش صفقات”.
وأختتم:” الاهلي اغنى نادي في مصر، والادارة بتجيب لكولر لبن العصفور وبيعمله كل حاجه ويتعادل ويقولك معنديش صفقات، انبي معظم لاعبيه صغار السن ومن ناشئيه، كولر دايما لما بيخسر بيخلي حد يشيل الليله، في النهايه الاهلي بيخسر تقطتين”.
