خارج الخدمة على طول – طه إسماعيل يفتح النار على كهربا بعد توديع الأهلي إنتركونتيننتال !! – فيديو
ابدي طه إسماعيل نجم الاهلي السابق ، غضبه من مستوي محمود كهربا الكارثي مع الأهلي امام باتشوكا في إنتركونتيننتال .
وقال طه اسماعيل في مداخلة لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : كان عندك السولية ليه مشاطش ، لكن ادخل كهربا ؟؟ دا غلطه كبيره جدا ، حتي لو اللعيب عاوز يشوط اسيبه يزعل ما يزعل.
وواصل : ماكانش ينفع وسام أبوعلي يخرج ، كان عامل قلق ، وكمان بيعرف يشوط ضربات الجزاء.
وأكد : ترتيب اللعيبة اللي شاطط غريب جدا ، بالذات كهربا ، طب ما انا عندي السولية ، فيه ملامه على إدارة المباريات بالنسبة لكولر ، ومش المباراة دي بس في مباريات كتير.
وتابع : ماتش الإتحاد في آخر ربع ساعة ، بيعمل تغييرات يدي فرص ، أنت تعمل تغييرات تكسب بيها ، دا مش ماتش فرص.
وشدد : ماكانش فيه توتر في ركلات الترجيح ، لكن الترتيب هو المشكلة ، حتي لو كنت عامل ترتيب أغيره لو لقيت الدنيا هتبوظ ، أنا شايف إن فيه عيوب تكتيكية عند كولر حتي في المباريات اللى كسبناها.
وأضاف : اللعيبة كلها بذلت مجهود كويس على مدار المباراة ، لكن مثلا عمر كمال أول مره اشوفه بيشوط بنالتي .
واستمر : انا لو المدرب مطلعش وسام ماشي كويس ، مفيش حاجه اسمها ادي فرصة للاعب تاني ، دا مش ماتش فرص.
وأضاف : كهربا كان جناح شمال في الزمالك ، ولما جه الأهلي لعب رأس حربة ، لكن أسف مفيش مقارنة بين كهربا ووسام في كل حاجه ، كهربا خارج نطاق الخدمة على طول.
وأتم : امام عاشور كان أدائه متوسط ليس في أحسن حالاته ، الناس زعلانه لان كان عندك فوز تاريخي ياهلك لمباراة ريال مدريد .
شاهد الفيديو
