وجه الإعلامي احمد شوبير، رسالة نارية لجمهور الأهلي بعد انباء مقاطعة المباريات اعتراضا على الخسارة امام باتشوكا في إنتركونتيننتال .
وقال شوبير عبر شاشة قناة الأهلي : وصلني رسالة دلوقتي ان الجمهور عاوز يعمل “حملة مقاطعة لماتشات الاهلي” .. ليه؟ مقاطعة ليه؟
وواصل : أومال فين على الحلوة والمرة؟ جمهوري سندي ضهري يعمل مقاطعة؟ مش جمهور الاهلي ابداً اللي يعمل كدا.. هو انت مش هتسندي الا لو انا كسبان؟
وواصل : الجمهور هو العامل المشترك في معظم انتصارات النادي الأهلي، انت السند دايما، الجمهور عليه دور مهم جداً الفترة القادمة بالتحديد.
وزاد : المباراة القادمة امام شباب بلوزداد في ملعبنا المفضل ستاد القاهرة وافتكر انك في المركز الثاني في المجموعة ومحتاج تعدي وتذاكر المباراة نزلت ولحد الان التذاكر لم تنتهي.
وأتم : افتكر ان بطولة دوري الابطال هيا اللي بتخليك تروح كأس العالم، أتمني الجمهور يملئ المدرجات.
