رسالة نارية من نجم الزمالك السابق لحسين لبيب بشأن قطاع الناشئين.. “القطاع بيدمر”- فيديو
وجه ايمن عبدالعزيز، نجم الزمالك السابق، رسالة نارية لحسين لبيب رئيس الفارس الأبيض، بشأن قطاع الناشئين بالنادي.
وقال عبدالعزيز، خلال تصريحات تليفزيونية ببرنامج “اللعيب”، عبر قناة “mbc مصر”:” رجاء لكابتن حسين لبيب قطاع الزمالك بيدمر ومدمر، فيه امور كنير ومعرفش اقولها لازم يدخلوا، الزمالك مدمر ويدمر، الفرق شوف نتائجهم التالت والرابع والخامس بفارق 6 نقاط، احنا بعيد، باللي انت فيه محدش يطلع من القطاع للفريق الاول”.
وأضاف ردا على سؤال مهيب عبدالهادي انت بتكلم علشان ابن أخوك: “ايمن امير عبدالعزيز هو فين من الفريق الاول؟ اللاعب الوحيد اللي مطلعش درجة اولى، لاعب احسن فرود في جيله وعنده امكانيات جسمانيه وبدنيه يكون الفرود التاني ولا التالت بالفريق الاول”.
وشدد عبدالعزيز:”أيمن راح فنار بخشه اول الموسم وكان بيخلصوا والموضوع باظ، هل لاعب بالامكانيات دي مياخدش فرصه، انت بتطلع مين؟”.
وأشار:” انا مش مضايقني ان ابن اخويا مطلعش، انا بكلم على قطاع الناشئين، القطاع كنز طلع اخر 3 سنين حوالي12 لاعب كلهم كويسين اسامه فيصل احسن فرود في مصر من ابناء الزمالك، وحسام اشرف واحمد عيد واحمد محمود احسن باك رايت مبيلعبش”.
واختتم:: “فيريرا اخد الدوري بلاعبي الزمالك الشباب ابناء القطاع، اهتم بالقطاع ولا تهمل فيه وتسيبه لناس، النتائج متراجعه وبقول لكابتن حسين لبيب شوف ايه اللي بيدور تحت، الزمالك لاينافس في بطوله في كل الاعمار السنيه”.
شاهد:
