أطلق سيد عبدالحفيظ، مدير الكرة السابق بالأهلي، تصريحات إستفزازيه ضد نادي الزمالك ونجمه أحمد مصطفى زيزو، مقللا من بطولة كأس الكونفدرالية.
وقال عبد الحفيظ،خلال تصريحات تليفزيونية ببرنامج “اللعيب”،عبر قناة “mbc مصر”:” الاداء المرتبط ببطوله هو الاحق بالفوز بجائزة أفضل لاعب في افريقيا، بمعنى جول ساعد فرقته انه يوصل للبطوله، ويليامز احسن لاعب محلي مرتبطه بالبطولات المحليه”.
وتابع: “الاساس في الاختيار الانديه مش المنتخبات، ويليامز هو حارس جيد، ولكن في قبل النهائي خسر في البطولة الاهم دوري الابطال فلازم تستبعد، 99٪ من اللي اخدوا احسن لاعب بيكون فريقه وصل للنهائي”.
وشدد عبد الحفيظ:” قولا واحد اللي مودينا في داهيه العاطفه، حسين الشحات طبعا افضل من زيزو، ممكن يعجبك اداء زيزو لكن حسين متفوق في الارقام، مفيش لاعب اخد احسن لاعب من الكونفدرالية، فالكونفدراليه عامله زي الثانويه العامه مستوى رفيع، ولكن الماده الاساسيه هي دوري الابطال”.
وواصل: “حسين الشحات ماخدش حقه جه لنا من 2019 حتى الآن وشارك في 6 نهائيات دوري الابطال، فالاحق هو حسين الشحات والمعيار هو البطولة، وعمرك ماهتاخد جوايز من الكونفدراليه ومستحيل تكون احسن نادي من الكونفدرالية”.
واشار:” فرق رهيب بين حسين الشحات وزيزو ومتكلمتش على اداء زيزو، لكن الشحات بيلعب في دوري الابطال وكاس العالم للانديه”.
وواصل عبد الحفيظ: “حسين الشحات ظلم ظلم كبير، وفي فرق بين واحد معه بطولات وواحد بتكلم على اداءه،احسن لاعب في العالم ياخدها من دوري الابطال ولا اليوربا ليج”.
وزاد:” انت بتكمل جوايز بترشيح اللي في الكونفدراليه لكن اللي ياخذها اللي اخد دوري الابطال، في فرق بين اللقطات والبطولات”.
وأستانف عبد الحفيظ: ” الكاف بيختارهم من الكونفدرالية وبيقولهم انتم اديتوا كويس لكن مش هتاخدوا جوايز”.
وأكمل:”الكاف بيختار 10 اسماء من البطولات تحت مظلتي لكن البطولة الاهم هي دوري الابطال، اي حد محب لناديه عليه ان يسعى ان ناديه يكون في دوري الابطال، دي الاساسيه والاهم والاكبر”.
وأختتم:” انت مسمعتش ان الكاف هيلغي الكونفدرالية و وانقاصا وتقليل منها كان بيروح فيها اللي خرجوا من دور ال32، هل صدفه اللي اخد احسن لاعب في القارة من دوري الابطال، السوبر الافريقي كان ب150 الف دولار وموسم الرياض عمله قيمه”.
