سيد عبد الحفيظ يراوغ بشأن رأيه في تصرف محمد رمضان مع جمهور الأهلي.. وأيمن عبدالعزيز يحرجه

رفض سيد عبد الحفيظ، مدير الكرة السابق بالأهلي، إبداء رأي صريح بشأن قرار محمد رمضان المدير الرياضي بالأحمر ومنع لاعبي الفريق من الذهاب للجمهور، خلال مباراة شباب بلوزداد.

وقال عبد الحفيظ، خلال تصريحات متلفزو عبر قناة “mbc مصر”:” الاهلي جمهوره عزوته وقوته، ومصدر قوته في قراره وهي الاول والاخر، ولكن في اختصاصات وادوار، عمر جمهور الاهلي وادارته ولاعبيه ماكانوا غير في صف واحد، القرار بعد الذهاب للجمهور هو حساب”.

وأضاف: “خلينا نتكلم عن الماتش الجاي واي حد بيحب النادي ميدليش برايه قوي، انت بتثق في ادارتك وعارف بتاخد القرار الصح وان الجمهور هو السند”.

وأشار عبدالحفيظ:” انت حساباتك مش عاوز تزود مشكله وممكن خايف المشكله تكبر، الجمهور بيشجعهم علشان يكسبوا، والنيه سليمه 100٪ القرار في نيه سليمة”.

وأكمل: “انت كعائله وانا واحد منهم، الاول والاخر جمهور الاهلي ميتعاندش، بس معنديش شك ان النيه ميحصلش مشكله، وقرار صح او غلط خلينا نتكلم على الماتش الجاي”.

وأختتم:” اي حد بيحب مكان، ميقدرش يكلم ويقول اذا كنت موجود هعمل ايه، لا اقلق على الاهلي مايقلقني وجود مشكله داخليه بتكون صعبه”.

ومن جانبه قال ايمن عبدالعزيز: “قرار كابتن محمد رمضان غلط، الجماهير بتنادي على اللاعبين طبيعي ترد التحيه، مفيش اجابه تانيه، سيد مش هيعطيك راي وهيفضل يلف ويدور ومييقولش رأيه”.