رد الإعلامي سيف زاهر ، على مطالبة محمد الشناوي حارس مرمى الفريق الأول لكرة القدم بالنادي الأهلي ، على مطالبة محمد الشناوي بضم معد نفسي لجهاز الأهلي .
كان قد قال محمد الشناوي حارس الأهلي في المؤتمر الصحفي قبل مباراة شباب بلوزداد : اه الأهلي محتاج معد نفسي ومينفعشي اقول مش محتاجين واننا كويسين وكله تمام والكلام ده موجود في العالم كله .. وكابتن محمد رمضان شغال عليها .. وكل لعيبه الأهلي عارفه قيمة النادي ومقدره كل الضغوط اللي بتمر بيها.
وواصل : جمهور الاهلي يقاطع المباريات؟ جمهور الاهلي دائما في ظهرنا ولما بنحتاجه بنلاقيه.
ومن جانبه قال سيف زاهر عبر قناة أون تايم سبورتس : محمد الشناوي رد بوضوح وقال اه محتاجين معد نفسي ومفيش حاجه عيب يعني عادي .
وتابع : المعد النفسي موجود دلوقتي في كل العالم، بيقول للعيب تعمل إيه وينام امتى وإزاي ، محمد صلاح نفسه معاه معد نفسي.
واستمر : مش انا اللي هقول لجمهور الأهلي يعمل ايه .. فكره ان حد يقول نقاطع مباريات الأهلي علشان خساره مباراة دي متنفعشي.
وأتم : كبار العالم في اللعبه بيقولوا ازاي الأهلي محافظ على جماهيره كده .. واي بطوله بيبقى الكل مستني الجمهور .. وجودكم اهم من الشناوي وكهربا وإمام وطاهر .. دي رسالتي للجمهور بكره الفريق محتاجكم.
شاهد الفيديو
