أكد الإعلامي سيف زاهر ، ان الأهلي منح امام عاشور ومحمود كهربا فرصة أخيرة بعد أزماتهم المتكررة مؤخرا .
وقال سيف زاهر مقدم برنامج ملعب اون تايم المذاع عبر شاشة قناة اون تايم سبورتس الفضائية : جماهير الأهلي مستاءه جدا من امام عاشور ، واحد من الجمهور قالي ، يعني إيه امام امتثل للعقوبة وبعدين يعني ، ما لو ما امتثلش هيمشي.
وواصل : جمعني كلام مع مسئول كبير في الأهلي، قالي حتي العقوبات مش راضيين عنها وكانت المفروض تبقي أكبر ، وقالي النظام في الأهلي اللى غلط بيتعاقب والمتجاوز يتقطع رقبته، وقالي المشهد مش راضيين عنه ولا يليق.
وأكد : حضرتك بقي تنزل النهاردة بتويته وتقول مش بتاعتي وبعدها بتاعتي وتنزل بوست تاني من عند حد.
وزاد : المسئول الكبير قالي دا الكشاف الأخير لامام ، بعد كدا حمايا يقول كلمتين وفلان يطلع بعدها يتكلم ، دا مش موجود في الأهلي ومينفعش معاه.
وشدد : والموقف دا هيبقي لي وقفه كبيرة ، من هنا ورايح خليت حمايا يتكلم بعدها صاحبي بعدها سواق الاوبر اللى وصلني ، فالكلام كدا مش هينفع أي حد يتكلم ، لا يليق وكيلك فقط يتكلم.
وأضاف : اوعي حد يفتكر في حاجه بتعدي على الخطيب ، ماشي بمبدأ كله متسجل والحساب متأجل.
وواصل : حد قال إمبارح هي المشاكل كلها كهربا وامام ، كهربا أخد آخر إنذار وكمل وبقي موجود ، وامام اتعاقب ، بس لو الباب لو اتقفل مش هيفتح تاني.
وأتم : اوعي تجيب لجمهور الأهلي بطولات وإنت قالب وشك ، ممكن يلعب بالناشئين عادي ، دا المشهد الأخير في الفيلم في التزام هتكمل مفيش فيه تنفيذ قيم ومبادئ.
شاهد الفيديو
“ده المشهد الأخير في الفيلم.. بعد كده يا التزام يا مش تمام”🔥🔥.. كواليس هتسمعها لأول مرة من سيف زاهر عن أزمة إمام عاشور في الأهلي #ملعب_ON pic.twitter.com/bqeBFcUtAf
— OnTime Sports (@ONTimeSports) November 30, 2024
