طارق السيد يفتح النار على جوميز : قلت للإدارة الحمد لله انه مشي !! – فيديو

انتقد طارق السيد ، مدرب الزمالك السابق جوزيه جوميز ، مؤكدا انه ليس حزين لرحيله بعد دفع الشرط الجزائي .

وقال طارق السيد ضيف برنامج ملعب الكورة مع فايق عبر شاشة قناة ام بي سي مصر 2 : الحمدلله ان ايجاريا مجاش ، اللاعب بعيد آوي ، أنا اتطلب رأيي فيه ، خدت محلل فني كويس آوي وروحت ماتش بتروجيت اتابع ايجاريا ، لا بعيد جدا.

وواصل : الراجل بقاله 4 سنين ملعبش كورة سيبك من اللي يقولك سنة أو اتنين حتي الفترة بتاعت ريدنج كان بيلعب رديف وتكوينه العضلي في ليفربول غير دلوقت تماما.

وزاد : احنا كدا كدا كنا هنفذ لجوميز طلباته عبشان جاب بطولتين ، رغم إن عيب نقول انه جاب كونفدرالية ، الطبيعي الزمالك ياخد الكونفدرالية ، المشكلة انه ميخدهاش دا الزمالك ، والسوبر الأفريقي ، كدا كدا اللعيبة بتقاتل وتلعب قدام الأهلي مش موضوع مدرب.

وأضاف : جوميز كان عنده مشاكل فنية زي مثلا حتة إن نداي يلعب باك شمال دي صعبة آوي ولعب 3 ماتشات بنداي باك شمال ودايما كانت الخسارة من ناحيته أي حد بيفهم فني واتفرج على نداي استحالة يلعب باك شمال دي ، ومحمد عاطف كان موجود عنده ولعبها كويس.

وأكد : جوميز مش كوتش هو بيدرب كويس جدا ، لكن فكرة الكوتش والقرارات جوا الملعب مش أحسن حاجه.

وأتم : الناس تفتكر فيريرا كان بيعمل تغييره او يقول كلمة يقلب بيها الماتش، جوميز مش كدا خالص.

شاهد الفيديو