فجر الإعلامي سيف زاهر ، مفاجأة من العيار الثقيل ، بعدما أكد سفر والد احمد مصطفي زيزو لاعب خط وسط الفريق الأول لكرة القدم بنادي الزمالك خلال ثلاثة أيام الى احد الدول العربية للتفاوض حول عرض للاعب .
وقال سيف زاهر مقدم برنامج ملعب اون تايم المذاع عبر شاشة قناة اون تايم سبورتس الفضائية :والد احمد زيزو هيسافر لدولة عربية لمناقشة عرض لزيزو.
وأكد : الراجل قال مشيت مشوار مع إدارة الزمالك ووصلنا لأرقام لكن مش عارف اتواصل مع حد من 10 أيام.
وزاد : دي معلومة موكدة وكلام والد زيزو ، والد زيزو هيسافر خلال 3 أيام يناقش عرض عربي.
وأشار : هو قال الشهر اللى فات وصل لاتفاق مع إدارة الزمالك لكن بيكلم الناس حاليا مش بترد عليه.
وتابع : بنقول الموضوع من بدري أهو علشان لر خلص نبقي نورنا كشاف.
واستمر : دائما بذكر اسم والد زيزو مش زيزو ، على مسئوليتي الشخصية شئ يحسب لزيزو ، مش بيدخل في الأمور المادية وهو مش صاحب قرار فيها والده هو اللى بيتحرك فيها ، هو ياكل يشرب ينام يتمرن يروح الجيم.
وأكد : أي حد عاوز زيزو في برنامج إعلان مداخلة برنامج بتكون عن طريق والده.
وأتم : في يناير القادم والد زيزو يقدر يمضي.
وينتهي عقد احمد مصطفي زيزو مع الزمالك بنهاية الموسم الجاري ، ويحق له التوقيع لأي نادي مجانا في يناير دون الرجوع للأبيض .
