“عشان تلهي الناس عن الفضيحة”!!.. خالد الغندور يكشف سر هجوم لجان الأهلي على زيزو!! فيديو
تحدث الإعلامي الرياضي خالد الغندور، عن حملة الانتقادات التي يتعرض لها نجم نادي الزمالك، أحمد سيد زيزو، من بعض جماهير الأهلي، حسب قوله.
وافتتح الغندور حديثه بالإشارة إلى وجود “وصلة وحملات للتقليل والتريقة من زيزو” بدأت بعد عدم فوزه بجائزة الأفضل داخل إفريقيا، واصفًا إياها بأنها صادرة من “بعض جماهير الأهلي واللجان اللي معروفة بالاسم”.
وقال خالد الغندور في تصريحات عبر بث مباشر على صفحته الرسمية بموقع “فيس بوك”: “من إمبارح في وصله وحملات للتقليل والتريقه من زيزو من بعض جماهير الاهلي واللجان اللي معروفه بالاسم”.
وتابع: تللجان من امبارح شغاله عليه بعد عدم فوزه بجائزة أفضل لاعب داخل القارة اللي كان يستحقها .. علشان الجمهور ينسى خساره باتشوكا واللي حصلهم”.
وأشار: “لكن السؤال هو زيزو اللي بيتعرض لكم من الاهانات والتجاوزات والتريقه والتقليل من جماهير الأهلي.. عمره تجاوز في حق النادي الأهلي؟”.
واستكمل: “هل زيزو لاعب مثير للجدل؟ لا .. طيب هل زيزو عمره استفز جمهور الاهلي؟ لا … طيب هل زيزو راح غنى مع الجمهور اغاني مسيئة ضد المنافس؟ لا .. عمره قلل من الأهلي؟ لا .. طيب بيتهاجم ليه وبيتعمل عليه كم الحملات دي ليه وشويه يقولك لاعب غير دولي وشويه أصله اهدافه بلنتات وشويه معرفشي ايه”.
وأضاف: “بعيدا عن ده كله .. مش هل زيزو امبارح كان بيمثل مصر في الجوائز زي ما بتقولوا .. أنا راجل زملكاوي ولما جالي دعوه احضر البطولة في قطر .. كنت في مباراة باتشوكا بشجع الأهلي لانه زي ما انتوا بتقولوا بيمثل مصر وانا اصلا راجل زملكاوي .. وزيزو امبارح لاعب مصري مرشح لجائزة يعني بالمبدأ بتاعكم بيمثل مصر .. يتعرض لكم الهجوم ده والتريقه”.
واختتم: “للاسف الشديد الحمله اللي بتعمل على زيزو بتبقى من لجان معروفه وكل واحد بيطلع يهاجمه علشان ياخد اللي فيه النصيب اخر الشهر”.
