وجه محمود فتح الله، نجم الزمالك السابق، نصيحة هامه لمحلس إدارة الفارس الأبيض بشأن مستقيل الفريق وتجديد عقود اللاعبين والصفقات الجديدة.
وقال فتح الله، خلال تصريحات تليفزيونية ببرنامج “اللعيب”، عبر قناة “mbc مصر”:” مشاكل الزمالك موجوده لان اخبار النادي بتتقال في الاعلام، بنصح الادارة لازم اخلص من الملفات واحده واحده، مش منطقي ان عندي 7 لاعبين مهمين عقودهم بتنتهي واخد ريسك لاخر الموسم”.
وتابع:” الزمالك المفروض يكون اولويه لو قدر اجدد للاعبين وادفع فلوسهم مجبش صفقات، شطارة الادارة الان التجديد للاعبين واصفي ذهنهم قبل يناير هم دول جابولك بطولات”
وأضاف فتح الله:” اولوياتي افكر في اللعيبه بتاعتي وادفع مستحقاتهم واجدد، وبعدها ادخل في خطوه تانيه ممكن اجيب صفقتين اوثلاثه في يتاير بس يجيوا يلعبوا “.
وشدد:” انا عندي 6 لاعبين في اهميه زيزو، عبدالله السعيد وعمر جابر والمثلوثي والونش ودونجا، انا وصلت الامور معرفش اجددله، نفسي زيزو يجدد ومعرفش طلباته ايه”.
وانهى: “يبقى انا غلط لو زيزو رحل مجانا نهاية الموسم وضيعت 300 مليون جنيه بسبب رفض العروض”.
