أكد سيد عبدالحفيظ مدير الكرة السابق بالنادي الأهلي ، إن امام عاشور ، لاعب الأهلي ، يجب أن يدرك إنه سيأتي وقت ولن يقبل النادي التجاوز بشكل نهائي .
وقال سيد عبدالحفيظ مقدم برنامج الكورة مع فايق تقديم الإعلامي إبراهيم فايق : سيد عبدالحفيظ :لم يعجبني موقف إمام عاشور من أوله حتى الاعتذار .
وواصل : والاعتذار يكون آسف وخلاص لأن في جُمل اتكتبت ملهاش لازمة، أنا مبفرحش بالغزالة حمرا والبت بيضا والكلام ده.
وأشار : المفروض أسف وتسكت.
وأكد : الأخطاء واردة احنا مش في المدينة الفاضلة ، فيه خناقات بتحصل في الأهلي من زمان ومحدش يقول غير كدا ، لكن حتي في الخناقات في أمور مش بتقرب منها زي الفاظ معينة وموضوع إنك تتخانق مع قائد فرقتك حتي لو كان أصغر منك في السن .
وزاد : لازم امام عاشور يعرف ان غرفة لبس الأهلي كان فيها صالح سليم وحسن حمدي ومحمود الخطيب وعظماء كتير.
واستمر : احنا نادي بيعمل لعيبة مش لعيبة بتعمل نادي.
وأتم : امام عاشور لازم يعرف ان لو الباب قفل خلاص مش هبقي عاوزك ، حتي لو هتجبلي كأس العالم، أهم حاجه عندي الأهلي .
شاهد الفيديو
