هاجم الإعلامي مهيب عبدالهادي، مجلس إدارة الزمالك بسبب رحيل البرتغالي جوزيه جوميز المدير الفني السابق للفريق، الذي رحل فجأة للإنتقال لتدريب الفتح السعودي.
وقال عبدالهادي، خلال تصريحات تليفزيونية ببرنامج “اللعيب”، عبر قناة “mbc مصر”:” انت تقعد 3 شهور متدفعش لجوميز مستحقاته وشهر مكافأة، تسوى ايه ان مدرب يتحكم فيك ويجيبك يمين وشمال وانت قاعد قدامه وبعد اذنك اقعد ياباشا، الزمالك اكبر من كده “.
وأضاف:” حضرتك مش عارف قيمة الزمالك، احنا هاجمنا المجالس اللي فاتت لانها كانت مبتدفعش فلوس لكن مسئوليتك انت ان جوميز ميدفعش له فلوسه ويسيبك قبل ماتش مهم، امام المصري”.
وشدد عبدالهادي: “ده درس لحضرتك في مجلس الادارة بعد الفوز على المصري علشان تعرف ان الزمالك مش بيقف على حد لاعب مش عاوز يجدد مع السلامه، مدرب مش عاوز يقعد مع السلامة”.
وأكمل:” لازم تعرف قيمة النادي اللي بتديره، انت الزمالك وبتتحكم بتاريخ نادي كبير، ومايحدث مرفوض من الادارة انها تقعد قدام مدير فني يجيبك يمين وشمال علشان مدفعتش مستحقاته وانت هتدفع هتدفع لاما تلتزم بالمستحقات لاما متتعاقدش انما سياسه مدير فني بكام ب100 الف ومحدش بيدفع”.
وواصل عبد الهادي: “ده موقفك المدير الفني يمشي وقت ماهو عاوز مش وقت مانت عاوز، اعرف ان ناديك كبير جدا وشعبيته كبيره جدا وتحترمه ولايتحط في المواقف الصعبه دي”.
وأتم:” مفيش مدير فني في الزمالك مالوش مستحقات، قلنا الادارت السابقه كانت بتجيب 8000 مدرب ليه الامر يستمر، انت في الزمالك بتحب تقول عندي مشاكل”.
شاهد: