أشاد احمد حسام ميدو نجم الزمالك السابق ، بتعاقد مجلس إدارة القلعة البيضاء مع السويسري كريستيان جروس لقيادة الفريق .
وقال ميدو في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي إبراهيم عبد الجواد : رحيل جروس عن الزمالك من الأول خطأ كبير ، جروس مركز وطالب تقارير من جهازه المعاون وشغال بكل جدية.
وواصل : مدرسة جروس ملائمة لقائمة الزمالك الحالية ، انا شايف عودة جروس قرار موفق جدا .
وزاد : الفرقة الماتش اللى فاتت كانت كويسة ، كان فيه بس بعض المشكلات والكرة مش معاك.
وشدد : الماتش اللى فات كان مسئولية لعيبه وهما عارفين ان الماتش بتاعهم ، الجمهور دعم ومجلس الإدارة أتصرف بشكل سريع وجاب مدرب يتفرج على الفرقة .
وتابع : اللى حصل نجاح لمجلس الإدارة ، فكرة انه يتواجد في المباراة ، بيخلي جواه حته إنه عاوز يثبت أنه عنصر مؤثر في الفرقة.
وشدد : الزمالك اتعرض لأزمة في موضوع جوميز.
وأتم : قصة رحيل جوميز ملهاش علاقة بمشروع الفتح ، كنت أتمني يكون صريح ، ويقول ان كان فيه مشاكل في الزمالك وجالي عرض أحسن فروحت له.
