كشف احمد حسام ميدو ، عن تفاصيل جلسته مع السويسري كريستيان جروس المدير الفني الجديد للزمالك عقب الفوز على المصري بهدف دون رد في الكونفدرالية، في مباراة شاهدها المدرب من المدرجات .
وقال احمد حسام ميدو في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر :الزمالك يظل دايما رقم 1 بالنسبالنا علشان كدا كنا موجودين النهارده ، الف مبروك لكل الزملكاوية.
وواصل : كابتن حسين لبيب من اول يوم عاوز يرسخ مبدأ عائلة الزمالك ، واهم شئ في العيلة الجمهور ، النهارده قاموا بدور كبير جدا.
وزاد : الجمهور العامل الأساسي في حصد الزمالك للبطولات وعارفين الدور اللى عليهم ، كنت عارف من إمبارح إن جروس هيبقي موجود في المباراة.
وشدد : جروس عنده خبرات كبيرة ، وقعدت معاه وعارف كل تفاصيل الفريق ، وعارف اللعيبة واحد واحد وأدوارهم ، وتابع كل ماتشات الفريق اللى فاتت.
شاهد الفيديو
