ميدو يُعلق على تصرف الهارب كهربا مع جمهور الأهلي: لاعب “سرطان” وأكبر غلطة في تاريخ الأحمر!! صورة
علق نجم الزمالك السابق، أحمد حسام ميدو، على رد فعل لاعبي الأهلي بعد مباراة شباب بلوزداد الجزائري أمس الأحد بدوري أبطال إفريقيا، تجاه جماهيرهم.
وكان جمهور الأهلي قبل اللقاء قد شن هجومًا على مجلس الإدارة وبعض من لاعبي الأهلي على رأسهم محمد الشناوي وكهربا، وذلك بعد خسارة الفريق امام باتشوكا المكسيكي بنصف نهائي كأس إنتر كونتيننتال.
ونجح الأهلي في تحويل تأخره بهدف على ملعب استاد القاهرة أمام شباب بلوزداد، إلى فوز بنتيجة 6-1، وبعد اللقاء، طالب قائد الفريق محمد الشناوي من اللاعبين الذهاب لتحية الجماهير، إلا أن كهربا رفض وطلب الدخول لغرفة الملابس، ووافقه على ذلك محمد رمضان المدير الرياضي.
وكتب ميدو عبر حسابه الرسمي بموقع التواصل الاجتماعي “أكس”: “من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة انه يعبر عن غضبه طالما الغضب ده مافيهوش أي سب لأي شخص”.
وتابع: “ولكن غضب عن طريق إيصال رسائل إلى الادارة والجهاز واللاعيبه وده اللي عملوا فعلا جمهور الاهلي قبل الماتش ورد فعل اللاعيبة كان عظيم بالفوز الكبير وطبيعي ان الجمهور لما يلاقوا لاعيبتهم موتوا نفسهم في الملعب انهم يحيوهم بعد الماتش علشان يقفلوا الصفحة ويوصلوا للاعيبة رسالة ان بفوزك النهارده الكبير الصفحة اتقفلت ومش هنقبل إلا بالأداء والنتائج دي”.
وواصل: “وهي دي عقلية مشجع الاندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي اساس نجاح اي نادي كبير”.
وشدد:”كان لازم اللاعيبة تروح تحيي الجمهور ويفهموا ان جمهورهم معاهم مش ضدهم انما ايه اللي حصل مين المستفيد الأكبر ان يكون في خلاف ما بين الجمهور والمجموعه علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور؟”.
واختتم: “الحقيقة هو لاعب واحد فقط وجوده سرطان داخل أي فريق هو كهربا وهو فعلا كما قلت من قبل وبعض من اصدقائي الاهلاوية زعلوا مني قرار التوقيع معاه اكبر غلطة في تاريخ الأهلي!!”.
