علق هيثم فاروق، نجم الزمالك السابق، على رحيل البرتغالي جوزيه جوميز، المدير الفني السابق للفارس الأبيض.
ورحل جوميز إلى أحد أندية الدوري السعودي الذين يُنافسون في قاع الدوري، بعد أن دفع قيمة الشرط الجزائي.
وقال هيثم فاروق في تصريحات عبر قناة “بي إن سبورتس”: “ناس كتيره بتتكلم عن أسباب رحيل جوميز وأنا بقول المدرب حتى لو بياخد مرتبه وملوش راتب متأخر واتجدد عقده طالما جاله عقد كبير وادفع الشرط الجزائي كان هيمشي لانه خد بطولات”.
وتابع: “أي مدرب سيحصل على بطولات مع الزمالك هيمشي .. دي حاجه مفهاش نقاش .. محدش هياخد مدرب من الزمالك الا علشان خد بطولات”.
وتابع: “في أكثر من مدرب كان ليهم مستحقات متأخره محدش كلمهم ولا حد طلبهم.. الطلب بيكون بسبب أنه الزمالك خد بطوله”.
وبسؤاله، هل ترى أن الزمالك مستهدف؟ أجاب: “نعم، الزمالك مستهدف ودي مش صدفة، وناس تقول جمهور الزمالك عنده نظريه مؤامره ده اللي مش شايف كده لازم يؤمن بنظريه المؤامره بسبب اللي بيحصل في الزمالك، الموضوع ده مكرر سواء جوميز ولا كارتيرون ولا غيره”.
