كشف احمد حسام ميدو نجم الزمالك السابق ، اسباب خسارة الفريق الأول لكرة القدم بالنادي الأهلي ، امام باتشوكا وتوديع إنتركونتيننتال.
وقال ميدو في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي إبراهيم عبد الجواد : الجميع يتحمل مسئولياته في خسارة الأهلي قدام باتشوكا .
وواصل : مجلس الإدارة لازم يعرف ان انت وصلت لمنافسات اعلي وبطولات اعلي وعوائد اعلي فلازم تعمل ابجريد للفرقة علشان تقدر تكمل.
وزاد : فيه لعيبة مكانتش على مستوي الحدث ، امام عاشور كان وحش جدا جدا ، تصرفه في الكورة بيعمله غلط جدا.
وأكد : كهربا مكانش جاهز ولا مهئ نزل اتفاجئ بالكورة بتاع الانفراد مكانش مستعد ، خروج وسام أبوعلي غلطه كبيرة كان ضاغط على دفاع باتشوكا مش بيطلعوا بالكرة ، لما كهربا نزل بقوا يخرجوا وخطوطهم قربت.
.
وشدد : الجمهور بقي فاهم ، بكل صراحة اللعيبة اللى مشيت من الأهلي انت معرفتش تعوضهم.
واستمر : الأهلي محتاج مدافع بديل لمحمد عبدالمنعم ومهاجم ، أنت محتاج 4 صفقات على الاقل
وأتم : اللعيبة الموجودة كويسة لكن أنت دلوقت بتتنافس في ليفل اعلي.
