بعد أنباء إقتراب بن شرقي من الأهلي.. خالد الغندور يوجه رسالة نارية لمجلس الزمالك – فيديو
وجه الإعلامي خالد الغندور، رسالة نارية لمجلس إدارة الزمالك بعد أنباء إقترب المغربي أشرف بن شرقي لاعب الريان القطري الحالي والفارس الأبيض السابق من الإنضمام للأهلي.
وقال الغندور، خلال تصريحات عبر برنامج “ستاد المحور”:” سواء بن شرقي راح الأهلي أو لا، حاليا عالم الاحتراف يخلي اي لاعب يروح في اي حته “.
وأردف:” أشرف بن شرقي جماهير الزمالك كانت بتقوله بن قلبي لكن مع طالما في ماديات هيلعب في الأهلي”.
وأشار الغندور:” الأهلي من حقه يشتري أي لاعب مهما كان حتى لو خد كل اللعيبه اللي لعبت في الزمالك قبل كده”.
واكمل:” الأهلي بيعمل كده علشان يغيظك علشان يضايقك، محدش هيقدر يلومه، لكن سؤالي هنا فين نادي الزمالك، فين مجلس إدارة نادي الزمالك من المشهد “.
وواصل الغندور:” يا جماعه الخير ادوا العيش لخبازه، كابتن حسين لبيب لو جاب صفقه في اليد كلنا هنشيد بيه لانه كان لاعب كرة يد كبير، لكن كرة القدم ليها ناسها ولازم يكون في اختصاص للمشهد “.
وأختتم:” لازم المجلس يحل الأزمة المالية لان وجودهم كان علشان كده، ومينفعشي تطلع تصدر للإعلام والناس انك نادي فقير وتضعف صوره النادي وده بيأثر عليك بعد كده .. لازم تشتغلوا علشان الزمالك”.
شاهد:
