تعليق عاصف من خالد الغندور على طريقة احتفال إمام عاشور أمام سموحة.. “البالونه عمرها قصير”-فيديو
علق الإعلامي خالد الغندور، على طريقة احتفال إمام عاشور لاعب الأهلي، بهدفه في مباراة فريقه أمام سموحة، ضمن منافسات بطولة الدوري.
وقال الغندور، خلال تصريحات تليفزيونية ببرنامج “ستاد المحور”:” اللي بيتفرجوا عليا من جمهور الزمالك والأهلي، مستنين اقول ايه على امام عاشور، امام بيحتفل زيه زي البليهي، ماهو الاحتفال في كل حته بالعالم”.
وأردف: “فاكرين زكيه زكريا لما كانت بتقول انفخ البلالين، والبليهي ليس لاعب عالمي وله مواقف وضرب ميسي بكأس العالم، شوفنا افشه احتفل زي رونالدو، افشه مش بيثير الجدل ولا بتاع لقطة”.
وشدد الغندور:” لو اتكلمت هيبقى خالد الغندور بتاع تعصب وفتنه، اللي عاوز اقوله وبافكر بفكر لاعب مين هيفكر يجيب بالونه ولونها ابيض ويحطها في الشراب ويستني يجيب جول ويقول لزمايله متجوش الا لما انفخها ويحطها تحت جزمته ويقطعها والناس تنتقده واخرين يدافعوا عنه والتعصب والفتنه اتوجدوا”.
وأكمل: “كلنا نعرف البالونه جميله مبهجه مع الاطفال لكن عمرها قصير وبتفرقع بسرعه وفي امور كتير في حياتنا بتكبر وتنزل على مفيش”.
وواصل الغندور:” السوشيال ميديا اتقلبت والبعض قالوا يقصد فريقه القديم، والاخر يقولوا لا لايمكن ينسى فضل الزمالك اللي من خلاله اصبح لاعب دولي وانضم للمنتخب وظهرت نجوميته وعشقه للجمهور والنادي وفاكرين غلطته الكبيره في رموز الاهلي”.
وتابع: “وبعدها احترف وشوفنا دموعه على الهواء مقدرش يستحمل التجربه ورجع على الزمالك اللي كان صعب يدفعله 5 مليون دولار، والاهلي سامح وعفى وعمل معه اللي معملوش مع التوام حسن ورمضان صبحي وحسام عاشور وعصام الحضري”.
وأردف الغندور:” لا اسلوب لعبه اطور ولافنيات، لكن في حاجات تانيه بتحصل اثيرت مش هتكلم علشان ميتقالش بثير الفتن، امام من سنه شاغل السوشيال ميديا بقضاياه ومحاكماته ولقطاته والحركات الصغيره دي بثير الفتن، نجم لقطات كل يومين تثير الفتن مين هيوقفوا عند حده؟ كفايا لقطات والبالونات كتير ومنها الاحمر والاخضر والاصفر”.
وأختتم:” بصراحه محتاجين نقطة نظام ونتكلم كره ونبعد عن اللقطات امام مش عارف ان البالونه بيضا؟ ومش عارف ان الناس هتكلم بعد ماحطها تحت رجله؟، وامام كان حاططها في الشنكار يوم ماتش شباب بلوزداد؟ “.
شاهد:
