تعليق ناري من حازم إمام على إحتفال إمام عاشور “بالبالونة”… ” الزمالك خيره عليك” – فيديو
علق حازم إمام، نجم الزمالك السابق، على طريقة احتفال إمام عاشور لاعب الأهلي بنفخ بالونه بهدفه في مباراة فريقه الاخيرة ضد سموحة بالدوري.
وقال إمام، خلال تصريحات تليفزيونية ببرنامج “الهدف”، عبر قناة “أون تايم سبورتس2″:” موضوع احتفال امام مستفز، هو اكثر واحد هيخسر، إمام مش ذكي وبيحط نفسه تحت ضفط، بيدور على الضغط وبيحطه على نفسه انت جايب جول واحسن لاعب “.
وأكمل:” الضغوط دي كلها عليه هو واللعب تحت ضغط صعب، معرفش بيعمل ليه كده، حتى لو في 1٪ شك ان المقصود الزمالك بلاش منه، الزمالك معملش فيه حاحه وحشه وهو سبب شهرته وعارف بيحب الزمالك ازاي”.
وشدد إمام: “اكيد عدت عليه انه يفكر، حتى لو جمهور الزمالك ببهاجمك علشان زعلان منك، كل الحب والخير اللي انت فيه بسبب الزمالك، وكل النجومبه دي بسب ان جاي منه ابيت او رفضت الزمالك له كريديت كبير عندك”.
وأشار:” كان ممكن امام يخلي جمهور الزمالك يحبه لكن بالتصرفات دي بيستفزهم، والناس كانت عارفه وهو ماشي من الزمالك مفيش فلوس وهو راح في سكه”.
وأختتم: “شوف عبدالله السعيد وتعرض اكثر لغضب جمهور الاهلي، ولابيستفز حد وماشي كويس واحرز هدف اول مرة لعب قدام الاهلي، ولا نزل حاجه ولا اتكلم لكن امام بيحط نفسه تحت ضغط وبيحرج ادارة الاهلي، الاهلي مش بتاع الحاجات دي ولا يجيب الناس تدافع عنك ولايلم اللي بيحصل على السوشيال ميديا”.
شاهد:
