كشف الإعلامي خالد الغندور، المتسبب في ازمة قيد السلوفيني جراديشار لاعب الأهلي المنضم حديثًا لصفوف الاحمر،بعد شكوى بيراميدز.
وقال الغندور،خلال تصريحات تليفزيونية ببرنامج “ستاد المحور”:” فوجئنا ان بيراميدز قدم شكوى في اتحاد الكرة بسبب خطا في قيد جراديشار لاعب الاهلي، وقيل ان الاهلي استلم بطاقة قيد اللاعب الساعه4 المباراة كانت الساعة 7 مساء”.
وأكمل: “الموضوع احدث لغط كبير، في خطوات لاي لاعب اجنبي يقيد في اي نادي، بيحدث تفاوض وبيتم تحويل الاموال، والنادي بيخاطب الاتحاد التابع له ارسال بطاقته الدوليه وبتصل في ثواني”.
وشدد الغندور:” الاهلي تفاوض مع اللاعب وحول جزء من ثمن الصفقة وطالب اتحادالكره مخاطبة الاتحاد المجري للحصول على البطاقه الدوليه ووصلت بالفعل والاهلي لابد ان يدفع 14٪ من قيمة الصفقة لتوثيقها وتم استخراج الكارنية واستلمه النادي”.
وأردف: “اثناء مشاركة اللاعب في مباراة بيراميدز وجد انه على الترانسفير سيستم انه مازال مقيد في المجر، بعد المباراة، ومن اساسيات مشاركته ان يكون في بطاقة دولية”.
وواصل الغندور:” اتحاد الكرة لما طلع القصص الصحفيين التابعين لاتحاد الكره قالوا ان كل حاجه تمام ومشاركة اللاعب قانونية والاهلي تسلم بطاقته، شهادة اتحاد الكرة مجروحه لانه هيقول انه غلط في تسجيله؟ “.
وأشار:” الغريب ان اتحاد الكرة بيقول الكلام ده وهو على عينك ياتاجر، السيستم واضح وتابع الاتحاد لدولي وبعد الماتش كان جراديشار تابع للمجر، سألنا علشان يكون القيد سليم لما يوصلك البطاقه الدولية لازم تعمل قبول ووقتها يصبح لاعب في الاهلي، الاستاذ اللي بيقيد في اتحاد الكره معملش قبول للبطاقة”.
وزاد الغندور: “ولما اكتشفوا ان في خطأ بالقيد عمل قبول للبطاقة بعدالماتش بساعتين وربع، واتحاد الكرة شايف نفسه انه مش غلطان وبيراميدز شايف القضيه سهله وكل حاجه مستجله على السيستم”.
وأتم:” الاهلي مش غلطان لانه عمل كل اللي عليه، دفع قيمة الصفقة وقيمة قيد الصفقة واستلم الكارنية، ممكن يحصل غرامة كبيره على اتحاد الكرة، لان الاهلي ليس له ذنب”.
