رد مروان حمدي، لاعب نادي بيراميدز، على تصريحات سيد عبد الحفيظ، مدير الكرة الأسبق بالأهلي، ضده في الواقعة التي حدثت بينه وبين جماهير الأهلي.
وكان مروان حمدي قد دخل في مشادة مع جماهير الأهلي، عقب نهاية مباراة الفريقين بالموسم الماضي، أعلنت مؤخرًا لجنة الانضباط إيقافه لـ 6 مباريات.
.
وقال مروان حمدى، خلال تصريحات تليفزيونية، مع الإعلامي هاني حتحوت، عبر برنامج “الماتش”، المذاع علي قناة “صدي البلد”:” مش عارف اقول كابتن سيد عبد الحفيظ ولا سيد لان هو فقد الاحترام بالنسبه لي، ولكن هقول كابتن سيد”.
وتابع: “هو قال على الهواء ان انا قليل الادب واللي معاه مقالوش مينفعش تقول كده على حد مش موجود ولاهيعرف يرد”.
واشار حمدي:” هو قال كده عليا بعد غلط مني لكن كان رد فعل بسبب اهانة اهلي “.
وشدد:” هو كان فين كابتن سيد وقت موقف الشحات مع الشيبي هل طلع قال كده؟، عاوز اسأله المبدأ عندك ايه؟ على حسب الهوي والمصلحه؟”.
وأردف حمدي:” لوانت حقاني ورجل صاحب مبادئ كنت اطلع وقول كده وقت ازمة الشيبي والشحات”.
وأختتم:” كنت ممكن اقوله انت قليل الادب وسهل اقول، لكن انا مش هقول كده، موقف حسين الشحات يثبت مين عنده مبدا ومين قليل الادب”.
شاهد:
